రెండు సినిమాలకు గ్రీన్ సిగ్నల్ ఇచ్చిన రవితేజ....
- IndiaGlitz, [Saturday,July 30 2016]
మాస్ రాజా రవితేజ బెంగాల్ టైగ‌ర్ త‌ర్వాత మ‌రో సినిమా చేయలేదు. రెండు ప్రాజెక్టులు అనుకున్న‌ప్ప‌టికీ కొన్ని కార‌ణాల వ‌ల‌న సెట్స్ పైకి వెళ్ల‌లేదు. తాజా స‌మాచారం ప్ర‌కారం...రవితేజ కొత్త‌గా రెండు సినిమాలకు గ్రీన్ సిగ్నల్ ఇచ్చార‌ని తెలిసింది. స‌ర్ధార్ గ‌బ్బ‌ర్ సింగ్ డైరెక్ట‌ర్ బాబీ చెప్పిన క‌థ‌కు రవితేజ ఓకె చెప్పారు. ప్రస్తుతం ప్రీ ప్రొడ‌క్ష‌న్ వ‌ర్క్ జ‌రుపుకుంటుంది.
సెప్టెంబ‌ర్ ఫ‌స్ట్ వీక్ లో ఈ చిత్రాన్ని సెట్స్ పైకి తీసుకువెళ్ల‌డానికి ప్లాన్ చేస్తున్నారు. ఇక రెండో చిత్రాన్ని రేసుగుర్రం చిత్రానికి డైలాగ్స్ రాసిన విక్ర‌మ్ సిరికొండ దర్శకత్వంలో చేయ‌నున్నారు. బాబీ తో చేయ‌నున్న సినిమా త‌ర్వాత విక్ర‌మ్ సిరికొండతో చేయ‌నున్న సినిమా సెట్స్ పైకి వెళ్ల‌నుంది. ఈ రెండు చిత్రాలతో రవితేజ బిజీగా మారి వ‌రుస‌గా సినిమాలు చేస్తాడ‌ని ఆశిద్దాం.