ఆ హీరోతో క్లాష్ వ‌ద్ద‌నుకుంటున్న రవితేజ..
- IndiaGlitz, [Wednesday,July 11 2018]
'ట‌చ్ చేసి చూడు', 'నేల టిక్కెట్టు' చిత్రాల‌తో ఈ ఏడాది ప్ర‌థ‌మార్థంలో ప‌ల‌క‌రించిన మాస్ మహారాజ్ రవితేజ.. ప్రస్తుతం శ్రీను వైట్ల దర్శకత్వంలో 'అమర్ అక్బర్ ఆంటోనీ' చేస్తున్నారు. ఇలియానా క‌థానాయిక‌గా న‌టిస్తున్న ఈ సినిమా ప్రస్తుతం అమెరికాలో చిత్రీకరణ జరుపుకుంటోంది.
ఈ సినిమాను సెప్టెంబ‌ర్ 28న విడుదల చేయాల‌ని నిర్మాణ సంస్థ మైత్రీ మూవీ మేక‌ర్స్ భావిస్తోంద‌ట. అంత‌కంటే ఆల‌స్యమైతే ఎన్టీఆర్ 'అర‌వింద స‌మేత'తో క్లాష్ అయ్యే అవ‌కాశం ఉంది. అయితే నిర్మాత‌లు అలా కాకుండా సెప్టెంబ‌ర్ 28నే రావాల‌నుకుంటున్నారు. .
ఇదిలా ఉంటే.. ఈ చిత్రం త‌రువాత రవితేజ మ‌రో రెండు చిత్రాల‌కు క‌మిట్ అయ్యారు. వాటిలో ఒక‌టి సంతోష్ శ్రీ‌నివాస్ దర్శకత్వంలో తెర‌కెక్క‌నున్న 'తెరి' రీమేక్ కాగా.. మ‌రొక‌టి వి.ఐ.ఆనంద్ దర్శకత్వంలో చేయబోతున్నాడు.