అడ‌వి శేష్ - ఆదాశ‌ర్మ - అన‌సూయ ప్ర‌ధాన పాత్ర‌లో నూత‌న ద‌ర్శ‌కుడు ర‌వికాంత్ తెర‌కెక్కించిన క్ష‌ణం ఎంత‌టి సంచ‌ల‌న సృష్టించిందో తెలిసిందే. కోటి రూపాయ‌ల బ‌డ్జెట్ తో రూపొందిన క్ష‌ణం చిత్రం బాక్సాఫీస్ క‌లెక్ష‌న్స్ తో పాటు రీమేక్ రైట్స్ - శాటిలైట్ రైట్స్..ద్వారా పి.వి.పి సంస్థ‌కు భారీ లాభాలే తెచ్చిపెట్టింది. తొలి చిత్రంతో భారీ విజ‌యాన్ని సాధించిన డైరెక్ట‌ర్ ర‌వికాంత్ ప్ర‌స్తుతం త‌దుప‌రి చిత్రం కోసం డిఫ‌రెంట్ ల‌వ్ స్టోరీ స్క్రిప్ట్ రెడీ చేస్తున్నారు.

ఇటీవ‌ల హీరో రానాకి ర‌వికాంత్ క‌థ చెప్పాడ‌ట‌. క‌థ విని రానా గ్రీన్ సిగ్న‌ల్ ఇచ్చిన‌ట్టు స‌మాచారం.అయితే.. రానా స్ర్కిప్ట్ లో కొన్నిమార్పులు చెప్పాడ‌ట‌. ప్ర‌స్తుతం రానా చెప్పిన మార్పుల‌తో ర‌వికాంత్ ఫుల్ స్ర్కిప్ట్ రెడీ చేస్తున్నాడ‌ట‌. బాహుబ‌లి మూవీతో మంచి క్రేజ్ తెచ్చుకున్న రానా తో సెకండ్ మూవీ అంటే ర‌వికాంత్ కి బంప‌ర్ ఆఫ‌రే.