ర‌వితేజ రివేంజ్ డ్రామా..!
- IndiaGlitz, [Tuesday,March 23 2021]
మాస్ మ‌హారాజా ర‌వితేజ ఇప్పుడు ఖిలాడి సినిమాను పూర్తి చేసే ప‌నిలో బిజి బిజీగా ఉన్నాడు. ఇది పూర్త‌వ‌గానే నెక్ట్స్ మూవీని త్రినాథ‌రావు నక్కిన ద‌ర్శ‌క‌త్వంలో చేయ‌బోతున్న సంగ‌తి కూడా తెలిసిందే. ఫ్యామిలీ ఎంట‌ర్‌టైనింగ్ మూవీస్ చేసిన త్రినాథ‌రావు నక్కిన ఈసారి సినిమాను రివేంజ్ బ్యాక్‌డ్రాప్‌లో తెర‌కెక్కించ‌బోతున్నాడ‌ట. స‌మాచారం మేర‌కు ర‌వితేజ ఓ స్ల‌మ్ ఉండే యువ‌కుడు. తండ్రిని కొంద‌రు స్నేహితులు క‌లిసి కోట్ల రూపాయ‌లు మోసం చేసి రోడ్డున ప‌డేట‌ట్టు చేస్తారు. హీరో వారి మోసాన్ని తెలుసుకుని.. త‌న తండ్రిని అత‌ని స్నేహితులు మోసం చేసిన‌ట్లే, హీరో కూడా వారిని మోసం చేస్తాడ‌ట. హీరో తండ్రి పాత్ర‌లో విల‌క్ష‌ణ నటుడు ప్ర‌కాశ్ రాజ్ న‌టిస్తున్నాడ‌ని టాక్‌.
ఇప్ప‌టికే ఈ సినిమాలో జాతిర‌త్నాలు ఫేమ్ ఫరియా అబ్దుల్లా హీరోయిన్‌గా న‌టిస్తుందనే విష‌యం తెలిసిందే. కాగా హిలేరియ‌స్ ఎంట‌ర్‌టైనర్‌గా ఈ చిత్రాన్ని పీపుల్ మీడియా ఫ్యాక్ట‌రీ అభిషేక్ అగ‌ర్వాల్ ఆర్ట్స్ ప‌తాకాల‌పై టీజీ విశ్వ‌ప్ర‌సాద్‌, అభిషేక్ అగ‌ర్వాల్ నిర్మిస్తున్నారు. త్రినాథ‌రావు నక్కిన ఈ చిత్రాన్ని తెర‌కెక్కిస్తున్నాడు. ప్ర‌స‌న్న‌కుమార్ బెజ‌వాడ ఈ సినిమాకు క‌థ, స్క్రీన్‌ప్లే అందిస్తున్నారు.