రవితేజ విలన్ గా...
- IndiaGlitz, [Tuesday,February 07 2017]
మాస్ మ‌హారాజా రవితేజ ఇప్పుడు ఏకంగా రెండు సినిమాల‌ను స్టార్ట్ చేశాడు. అందులో ఒక సినిమా ట‌చ్ చేసి చూడు చిత్రాన్ని విక్ర‌మ్ సిరి దర్శకత్వంలో చేస్తుండ‌గా, మరో సినిమా రాజా ది గ్రేట్‌ను దిల్ రాజు బ్యాన‌ర్‌పై అనిల్ రావిపూడి దర్శకత్వంలో చేస్తున్నాడు. రీసెంట్‌గా రాజా ది గ్రేట్ లాంచ‌నంగా ప్రారంభ‌మైంది.
ఇప్పుడు ఈ సినిమాను త్వ‌ర‌లోనే సెట్స్‌లోకి తీసుకెళ్ళ‌డానికి ప్ర‌య‌త్నాలు చేస్తున్నారు. ఈ సినిమాలో హిందీ ప‌రిశ్రమ‌కు చెందిన న‌టుడు వివాన్ బాటేనాను విల‌న్‌గా ప‌రిచ‌యం చేయ‌డానికి ప్ర‌య‌త్నాలు జ‌రుగుతున్నాయట. అధికార‌కంగా ఏదీ ఫైన‌లైజ్ కాలేదు. త్వ‌ర‌లోనే ఈ వివ‌రాలు బ‌హిర్గ‌తం అవుతాయి.