నీకోసం, వెంకీ, దుబాయ్ శీను చిత్రాల‌తో హ్యాట్రిక్ విజ‌యాల‌ను సొంతం చేసుకున్న కాంబినేష‌న్ మాస్ మ‌హారాజా ర‌వితేజ‌, స్టార్ డైరెక్ట‌ర్ శ్రీ‌ను వైట్ల‌ది. ఈ ఇద్ద‌రి కాంబోలో ప‌ద‌కొండేళ్ళ త‌రువాత మ‌రో సినిమా తెర‌కెక్కుతున్న సంగ‌తి తెలిసిందే. మైత్రీ మూవీ మేక‌ర్స్ సంస్థ నిర్మిస్తున్న ఈ చిత్రంలో ర‌వితేజ మూడు విభిన్న పాత్ర‌ల్లో సంద‌డి చేయ‌నున్నారు.

అమెరికా నేప‌థ్యంలో సాగే ఈ చిత్రానికి అమ‌ర్ అక్బ‌ర్ ఆంటోని అనే పేరు ప్ర‌చారంలో ఉంది. గ‌త కొంత‌కాలంగా హీరో పాత్ర‌ల‌వైపే దృష్టి పెట్టిన సునీల్‌.. ఈ చిత్రంలో పూర్తిస్థాయి హాస్య పాత్ర‌లో సంద‌డి చేయ‌నున్నారు. కాగా, ఈ నెల 19 నుంచి ఈ సినిమా రెగ్యుల‌ర్ షూటింగ్ ప్రారంభం కానుంద‌ని.. తొలి షెడ్యూల్‌లో ర‌వితేజ చిన్న‌ప్ప‌టి ఎపిసోడ్‌ను, విల‌న్ ఎపిసోడ్స్‌ను తెర‌కెక్కించ‌నున్నార‌ని స‌మాచార‌మ్‌. హైద‌రాబాద్‌లో జ‌రిగే రెండో షెడ్యూల్‌లో ర‌వితేజ జాయిన్ అవుతార‌ని చిత్ర స‌న్నిహిత వ‌ర్గాలు పేర్కొంటున్నాయి. ప్ర‌స్తుతం ర‌వితేజ.. క‌ళ్యాణ్ కృష్ణ రూపొందిస్తున్న చిత్రంలో న‌టిస్తున్న సంగ‌తి తెలిసిందే.