హీరో రవితేజ సోదరుడు...నటుడు భరత్ మృతి
- IndiaGlitz, [Sunday,June 25 2017]
ప్రముఖ హీరో రవితేజ సోదరుడు భరత్ కారు ప్రమాదంలో మరణించారు. రంగారెడ్డి జిల్లా శంషాబాద్‌ మండలం కొత్వాల్‌ గూడ సమీపంలో జౌటర్‌ రింగ్‌ రోడ్డుపై ఆగి ఉన్న లారీని భరత్ ప్రయాణిస్తున్న కారు ఢీ కొట్టింది. ఈ ప్రమాదంలో కారు సగభాగం లారీ కిందకు దూసుకెళ్ళింది. భరత్ అక్కడికక్కడే మరణించాడు. అర్ధరాత్రి గస్తీ తిరుగుతున్న పెట్రోలింగ్‌ పోలీసులు ఈ ఘటనను స్థానిక పోలీసులకు అందించారు.
ఆర్‌.జి.ఐ.ఎ పోలీసులు హుటాహుటిన అక్కడికి చేరుకుని మృతదేహాన్ని కారు నుండి బయటకు తీసి ఉస్మానియాకు తరలించారు. పోస్టుమార్టం అనంతరం భౌతికకాయాన్ని కుటుంబ సభ్యులకు అప్పగించారు. అతి వేగమే ఈ ప్రమాదానికి కారణమని పోలీసులు భావిస్తున్నారు. భరత్ పలు తెలుగు చిత్రాల్లో నటించాడు.