గ‌తేడాది 'రాజా ది గ్రేట్‌' గా సంద‌డి చేశాడు మాస్ మ‌హారాజా ర‌వితేజ‌. ఆయ‌న తాజా చిత్రం 'ట‌చ్ చేసి చూడు' ఫిబ్ర‌వ‌రి 2న విడుద‌ల‌కి సిద్ధ‌మ‌వుతోంది. విక్ర‌మ్ సిరికొండ ద‌ర్శ‌క‌త్వంలో రూపొందిన ఈ సినిమాలో రాశి ఖ‌న్నా, సీర‌త్ క‌పూర్ హీరోయిన్స్‌గా న‌టించారు.

ఇటీవ‌ల విడుద‌ల చేసిన ఓయ్ పుష్పా అంటూ సాగే పాట‌కి మంచి స్పంద‌న వ‌స్తోంది. ఇదిలా ఉంటే.. 'సోగ్గాడే చిన్ని నాయ‌నా', 'రారండోయ్ వేడుక చూద్దాం' చిత్రాల ద‌ర్శ‌కుడు క‌ల్యాణ్ కృష్ణ ద‌ర్శ‌క‌త్వంలో ర‌వితేజ ఓ సినిమా చేస్తున్న సంగ‌తి తెలిసిందే. ఈ నెల 5న ప్రారంభ‌మైన ఈ చిత్రం.. తొలి షెడ్యూల్‌ని పూర్తి చేసుకుంది.

రెండో షెడ్యూల్‌ని ఈ నెల 18 నుంచి ప్రారంభించ‌నున్నార‌ని ఆ మ‌ధ్య వార్త‌లు వినిపించాయి. తాజా స‌మాచారం ప్ర‌కారం.. ఈ షెడ్యూల్ వాయిదా ప‌డింద‌ని తెలిసింది. మాళ‌వికా శ‌ర్మ క‌థానాయిక‌గా ప‌రిచ‌య‌మవుతున్న ఈ చిత్రానికి 'ఫిదా' ఫేమ్ శ‌క్తికాంత్ కార్తీక్ సంగీత‌మందించ‌నున్నాడు. నేల టికెట్ అనే పేరు ప్రచారంలో ఉన్న ఈ సినిమా ఈ ఏడాదిలోనే విడుద‌ల కానుంది.