మాస్ మ‌హారాజా ర‌వితేజని మ‌ళ్ళీ స‌క్సెస్ ట్రాక్‌లోకి తీసుకువ‌చ్చిన చిత్రం రాజా ది గ్రేట్‌. ఆ సినిమా ఫ‌లితంతో ఆయ‌న మ‌రింత ఉత్సాహాంతో సినిమాలు చేస్తున్నారు. ఇటీవ‌లే ట‌చ్ చేసి చూడుతో ప‌ల‌క‌రించిన ర‌వితేజ‌.. ప్ర‌స్తుతం నేల‌ టిక్కెట్టు, అమ‌ర్ అక్బ‌ర్ ఆంటోని, తెరి రీమేక్ చిత్రాల‌తో బిజీగా ఉన్నారు. వీటిలో ముందుగా తెరపైకి రానున్న చిత్రం నేల టిక్కెట్టు. సోగ్గాడే చిన్ని నాయనా, రారండోయ్ వేడుక చూద్దాం చిత్రాల‌తో స‌క్సెస్‌ఫుల్ డైరెక్ట‌ర్ అనిపించుకున్న క‌ళ్యాణ్ కృష్ణ ఈ సినిమాకి ద‌ర్శ‌క‌త్వం వ‌హిస్తున్నారు.

ఉత్త‌రాది భామ మాళ‌వికా శ‌ర్మ ఈ చిత్రం ద్వారా క‌థానాయిక‌గా ఎంట్రీ ఇస్తోంది. ఇదిలా ఉంటే.. మే 24న విడుద‌ల కావాల్సిన ఈ సినిమా కొన్ని కార‌ణాల వ‌ల్ల వాయిదా ప‌డ‌నుందంటూ ఆ మ‌ధ్య వార్త‌లు వినిపించాయి. అయితే ఆ వార్త‌ల్లో ఎలాంటి నిజం లేద‌ని.. సినిమాని అనుకున్న స‌మ‌యానికే ప్రేక్ష‌కుల ముందుకు తీసుకురాబోతున్న‌ట్లు చిత్ర వ‌ర్గాలు చెప్పుకొస్తున్నాయి.