మాస్ మహరాజా రవితేజ కథానాయకుడిగా కళ్యాణ్ కృష్ణ దర్శకత్వంలో రూపొందుతున్న‌ సినిమా నేల టికెట్` (ప్ర‌చారంలో ఉన్న టైటిల్‌). ఈ చిత్రం ద్వారా ఉత్త‌రాది భామ మాళ‌విక‌ శర్మ కథానాయికగా పరిచయం కానుంది. జగపతిబాబు ప్రతినాయకుడి పాత్ర పోషిస్తున్న ఈ చిత్రానికి ఫిదా` సంగీత దర్శకుడు శక్తి కాంత్ కార్తిక్ స్వరాలను సమకూరుస్తున్నారు. ఎస్.ఆర్.టి.ఎంట‌ర్‌టైన్‌మెంట్స్‌ పతాకంపై రామ్ తాళ్ళూరి ఈ మూవీని నిర్మిస్తున్నారు.

ఇదిలా వుంటే.. ప్రస్తుతం ఈ చిత్రం రామోజీ ఫిలిం సిటీలో షూటింగ్ జరుపుకుంటోంది. అక్క‌డ‌ రైల్వే స్టేషన్ నేపథ్యంలో రవితేజ, ఆలీ, సంపత్ పై కొన్ని సన్నివేశాలను చిత్రీకరిస్తున్నార‌ని స‌మాచారం. ఫ్యామిలీ ఎంటర్‌టైన‌ర్‌గా తెరకెక్కుతున్న ఈ సినిమాని వేసవి సందర్భంగా ప్రేక్షకుల ముందుకు తీసుకురానున్నారు. ఈ సినిమా తర్వాత రవితేజ.. శ్రీనువైట్ల దర్శకత్వంలో రూపొంద‌నున్న‌ అమర్ అక్బర్ ఆంటోనీ` చేయనున్న సంగతి తెలిసిందే. ర‌వితేజ త్రిపాత్రాభిన‌యం చేస్తున్న ఈ సినిమా అమెరికా నేప‌థ్యంలో తెర‌కెక్క‌నుంది.