రవితేజ సినిమాకి ఆసక్తికరమైన టైటిల్
- IndiaGlitz, [Sunday,December 24 2017]
దాదాపు రెండేళ్ల గ్యాప్‌తో మాస్ మ‌హారాజ్ రవితేజ నుంచి వ‌చ్చిన చిత్రం 'రాజా ది గ్రేట్‌'. దీపావ‌ళి కానుక‌గా విడుద‌లైన ఈ సినిమా మంచి విజ‌యం సాధించింది. ప్ర‌స్తుతం ఆయ‌న 'ట‌చ్ చేసి చూడు' మూవీ చేస్తున్నారు. విక్ర‌మ్ సిరికొండ దర్శకత్వం వ‌హిస్తున్న ఈ చిత్రంలో రాశి ఖ‌న్నా, సీర‌త్ క‌పూర్ క‌థానాయిక‌లుగా న‌టిస్తున్నారు.
ఈ చిత్రం జ‌న‌వ‌రి 25న విడుదల కానుంద‌ని స‌మాచార‌మ్‌. ఇదిలా ఉంటే.. 'సోగ్గాడే చిన్ని నాయ‌నా', 'రారండోయ్ వేడుక చూద్దాం' చిత్రాల ద‌ర్శ‌కుడు క‌ల్యాణ్ కృష్ణ దర్శకత్వంలో రవితేజ ఓ సినిమా చేయ‌నున్న సంగ‌తి తెలిసిందే. రామ్ తాళ్లూరి నిర్మించ‌నున్న ఈ చిత్రం జ‌న‌వ‌రి 5 నుంచి ప్రారంభం కానుంది. కాగా, ఈ చిత్రానికి ఓ ఆసక్తికరమైన టైటిల్ వినిపిస్తోంది. ఇంత‌కీ అదేమిటంటే.. 'నేల టికెట్‌'. రవితేజ మాస్ ఇమేజ్‌కి త‌గ్గ‌ట్టే ఉన్న ఈ టైటిల్ గురించి చిత్ర నిర్మాణ సంస్థ నుంచి ఎలాంటి అధికారిక ప్ర‌క‌ట‌న రాలేదు. ఈ చిత్రం వ‌చ్చే ఏడాది ద్వితీయార్థంలో విడుదల కానుంద‌ని తెలిసింది.