தளபதி விஜய் நடிப்பில் அட்லி இயக்கத்தில் கலைப்புலி எஸ் தாணு தயாரிப்பில் கடந்த 2016 ஆம் ஆண்டு வெளிவந்த திரைப்படம் ’தெறி’ இந்தப் படம்தான் விஜய்-அட்லீ இணைந்த முதல் திரைப்படம் என்பது குறிப்பிடத்தக்கது. இந்தப்படம் மிகப் பெரிய வெற்றி அடைந்தது என்பது அனைவரும் தெரிந்ததே. அதாவது 75 கோடி பட்ஜெட்டில் தயாரிக்கப்பட்ட இந்தப் படம் 150 கோடி வரை வசூல் செய்து இரு மடங்கு லாபத்தை தயாரிப்பாளருக்கு கொடுத்தது என்பது குறிப்பிடப்பட்டது.

இந்த நிலையில் இந்த படத்தை தெலுங்கில் ரீமேக் செய்ய கடந்த சில மாதங்களாக முயற்சிகள் நடந்து வந்த நிலையில் தற்போது ரவிதேஜா நடிப்பில் இந்த படம் உருவாகவுள்ளது. ரவிதேஜாவின் 66 வது படமாக உருவாக இருக்கும் இந்த படத்தில் சமந்தா கேரக்டரில் நடிக்க ஸ்ருதிஹாசன் ஒப்பந்தமாகியுள்ளதாக செய்திகள் வெளிவந்துள்ளது .

மேலும் இந்த படத்தில் கோபிசந்த் முக்கிய கேரக்டரில் நடிக்கிறார் என்பது குறிப்பிடத்தக்கது. அதுமட்டுமின்றி எமிஜாக்சன் கேரக்டரில் நடிக்க தெலுங்கு திரையுலகின் முன்னணி நடிகை ஒருவரிடம் பேச்சுவார்த்தை நடந்து வருவதாகவும் இதுகுறித்த அறிவிப்பு விரைவில் வெளியாக இருப்பதாகவும் தெலுங்கு திரையுலக வட்டாரங்கள் கூறுகின்றன.

வரும் டிசம்பரில் படப்பிடிப்பு தொடங்க உள்ளதாகவும் இந்த படத்தை அடுத்த ஆண்டு இறுதியில் ரிலீஸ் செய்ய திட்டமிட்டிருப்பதாகவும் கூறப்படுகிறது.