தனுஷால் இந்தி பட வாய்ப்பை மறுத்த 'ராட்சசன்' இயக்குனர்!
- IndiaGlitz, [Monday,August 24 2020]
விஷ்ணு விஷால், அமலாபால் நடிப்பில் ராம்குமார் இயக்கிய ’ராட்சசன்’ திரைப்படம் கடந்த 2018 ஆம் ஆண்டு வெளியாகி நல்ல வரவேற்பை பெற்றது. விமர்சன ரீதியாகவும் வசூல் ரீதியாகவும் மாபெரும் வெற்றி பெற்ற இந்த படம் தெலுங்கிலும் ரீமேக் ஆனது என்பது குறிப்பிடத்தக்கது. இதனை அடுத்து தற்போது இந்தியிலும் ரீமேக் செய்ய பேச்சுவார்த்தைகள் நடைபெற்று வருகிறது என்பது குறிப்பிடத்தக்கது.
இந்த நிலையில் ’ராட்சசன்’ படத்தின் இந்தி ரீமெக்கை இயக்குவதற்கு இயக்குனர் ராம்குமாரிடம் பாலிவுட்டின் முன்னணி நிறுவனம் ஒன்று பேச்சுவார்த்தை நடத்தியது. ஆனால் இயக்குனர் ராம்குமாரோ, ‘தனுஷின் அடுத்தப் படத்தை இயக்க இருப்பதால் அந்த படத்தை தன்னால் ஏற்க முடியாது என்று மறுத்து விட்டதாக செய்திகள் வெளிவந்துள்ளது.
இந்த நிலையில் ’ராட்சசன்’ படத்தை தெலுங்கில் ரீமேக் செய்து இயக்கிய இயக்குனர் ரமேஷ் வர்மா தற்போது இந்தியிலும் ரீமேக் செய்ய உள்ளதாக செய்திகள் வெளியாகியுள்ளது. இதற்கான ஒப்பந்தம் கையெழுத்து ஆகிவிட்டதாகவும், விரைவில் இந்த படத்தில் நடிக்கும் நடிகர் நடிகைகள் குறித்த அறிவிப்பு வெளிவரும் என்றும் கூறப்படுகிறது.
ராட்சசன் திரைப்படம் ஹிந்தியிலும் மிகப்பெரிய வெற்றி பெறும் என்று எதிர்பார்க்கப்பட்ட போதிலும் தனுஷ் படத்தை இயக்க வேண்டும் என்பதால் பாலிவுட் பட வாய்ப்பையும் இயக்குனர் ராம்குமாரும் மறுத்துள்ளார் என்பது குறிப்பிடத்தக்கது.