'రాజా రాణి' వంటి క్యూట్ ఎమోష‌న‌ల్ ల‌వ్‌స్టోరీతో స‌క్సెస్ అందుకున్నాడు ద‌ర్శ‌కుడు అట్లీ. ఆ త‌ర్వాత విజ‌య్‌తో 'తెరి' వంటి క‌మ‌ర్షియ‌ల్ సినిమాను తెర‌కెక్కించి హిట్‌ను సొంతం చేసుకున్నాడు. గ‌త ఏడాది 'మెర్స‌ల్‌'(తెలుగులో అదిరింది) వంటి చిత్రాన్ని తెర‌కెక్కించి హ్యాట్రిక్ హిట్‌ను త‌న ఖాతాలో వేసుకున్నాడు. తాజాగా మ‌రోసారి విజ‌య్‌, అట్లీ ద‌ర్శ‌క‌త్వంలో సినిమా రూపొందుతుంది.

ఇటీవ‌లే ఈ సినిమా లాంఛ‌నంగా ప్రారంభ‌మైంది. ఎ.జి.ఎస్ ఎంట‌ర్‌టైన్మెంట్ బ్యాన‌ర్‌పై క‌ల్పాతి ఎస్‌.అఘోర‌మ్ ఈ సినిమాను నిర్మిస్తున్నారు. ఈ చిత్రానికి ఎ.ఆర్‌.రెహ‌మాన్ సంగీతం అందిస్తున్నారు. కాగా ఈ చిత్రంలో హీరోయిన్స్‌గా న‌య‌న‌తార‌, స‌మంత పేర్లు ప్ర‌ముఖంగా విన‌ప‌డ్డాయి. అయితే తాజాగా ఇప్పుడు ర‌ష్మిక పేరు విన‌ప‌డుతుంది. అంతా అనుకున్న‌ట్లు కుదిరితే ర‌ష్మిక న‌టించే తొలి త‌మిళ‌ చిత్ర‌మిదే అవుతుంది.