క‌న్న‌డ చిత్రం ‘కిరిక్‌పార్టీ’తో హీరోయిన్‌గా కెరీర్‌ను స్టార్ట్ చేసిన ర‌ష్మిక మంద‌న్న‌తెలుగులో ఛలో సినిమాతో హీరోయిన్‌గా ఎంట్రీ ఇచ్చింది. ఈ సినిమా పెద్ద స‌క్సెసే అయ్యింది. ఒక ప‌క్క తెలుగు సినిమాలు, మ‌రో ప‌క్క క‌న్న‌డ సినిమాల్లో ర‌ష్మిక నటిస్తూ బిజీగా ఉంది. తాజాగా ధృవ సార్జా హీరోగా న‌టిస్తోన్న చిత్రం పొగ‌రు. ఈ సినిమాలో ర‌ష్మిక హీరోయిన్‌. ఆదివారం ఈ సినిమాలో ఓ పాట‌ను చిత్ర యూనిట్ విడుద‌ల చేసింది. అందులో హీరో అండ్ గ్యాంగ్ ర‌ష్మిక ఆట ప‌ట్టించే స‌న్నివేశాలున్నాయి. ఈ పాట‌పై ఇప్పుడు మ‌హిళా సంఘాలు ఆగ్ర‌హాన్ని వ్య‌క్తం చేస్తున్నాయి. ఓ అమ్మాయి టీజ్ చేసే సాంగ్‌ను ఇలా చిత్రీక‌రిస్తారా? అంటూ మ‌హిళా సంఘాలు ద‌ర్శ‌క నిర్మాత‌ల‌పై ద‌య్య‌ప‌డుతున్నాయి. క‌రోనా ఎఫెక్ట్ త‌గ్గ‌గానే ఈ విష‌యంపై ఫిర్యాదు చేసే ఆలోచ‌న‌లోనూ మ‌హిళా సంఘాలున్న‌ట్లు వార్త‌లు విన‌ప‌డుతున్నాయి.

ప్ర‌స్తుతం మోస్ట్ వాంటెడ్ హీరోయిన్‌గా ఉన్న ర‌ష్మిక నితిన్‌తో భీష్మ‌, మ‌హేశ్‌తో స‌రిలేరు నీకెవ్వ‌రు సినిమాల్లో న‌టించింది ఈ రెండు సినిమాలు హిట్ కావ‌డంతో ఇప్పుడు బ‌న్నీ సినిమా `పుఫ్ప‌`లోనూ న‌టిస్తోంది. ఈ చిత్రం పాన్ ఇండియా చిత్రంగా విడుద‌ల‌వుతుండ‌టం విశేషం. ఒక‌వేళ ఈ సినిమా భారీ విజ‌యాన్ని ద‌క్కించుకుంటే ర‌ష్మిక హీరోయిన్‌గా నెక్ట్స్ రేంజ్‌కు చేరుకున్న‌ట్లేన‌ని అంటున్నాయి ఇండ‌స్ట్రీ వ‌ర్గాలు.