பல்கலைக்கழகத்தில் மாணவர்கள் முன் செம ஆட்டம் போட்ட ராஷ்மிகா.. வீடியோ வைரல்!
- IndiaGlitz, [Tuesday,October 04 2022]
தமிழ் தெலுங்குத் திரையுலகின் முன்னணி நடிகைகளில் ஒருவரான ராஷ்மிகா மந்தனா, தற்போது பாலிவுட்டிலும் ஒரு சில படங்களில் நடித்து வருகிறார் என்பதும் அவர் அமிதாப்பச்சனுடன் நடித்த ’குட் டே’ என்ற திரைப்படம் விரைவில் வெளியாக உள்ளது என்பதும் குறிப்பிடத்தக்கது.
இந்த படத்தின் புரமோஷனுக்காக சமீபத்தில் பல்கலைக்கழகம் சென்ற ராஷ்மிகா மந்தனா, ‘புஷ்பா’ படத்தில் இடம்பெற்ற ’சாமி சாமி’ என்ற பாடலுக்கு செம ஆட்டம் ஆடிய வீடியோ இணையதளங்களில் வைரலாகி வருகிறது.
அமிதாப்பச்சன், ராஷ்மிகா மந்தனா உள்பட பலர் நடிப்பில் உருவான ‘குட் பை’ என்ற திரைப்படம் வரும் 7ஆம் தேதி வெளியாக உள்ளது. இந்த படத்தின் புரமோஷனுக்காக ராஷ்மிகா இந்தியாவின் பல பகுதிகளுக்கு சென்று வருகிறார் என்பது குறிப்பிடத்தக்கது.
இந்த நிலையில் சமீபத்தில் பல்கலைக்கழகம் ஒன்றில் இந்த படத்தின் புரமோஷன் நிகழ்ச்சி நடந்தது. இந்த நிகழ்ச்சியில் ராஷ்மிகா மந்தனா கலந்து கொண்டு மாணவர்கள் முன்னிலையில் ’புஷ்பா’ படத்தில் இடம்பெற்ற ’சாமி சாமி’ என்ற பாடலுக்கு செம ஆட்டம் ஆடியதை அடுத்து அங்கிருந்த மாணவர்கள் மிகப்பெரிய கரகோஷம் எழுப்பினார்கள். இதுகுறித்த வீடியோக்கள் புகைப்படங்கள் இணையதளங்களில் வைரலாகி வருகிறது.
நடிகை ராஷ்மிகா மந்தனா, தளபதி விஜய் நடித்து வரும் ’வாரிசு’ அல்லு அர்ஜுன் நடித்து வரும் ’புஷ்பா 2’ உட்பட ஒரு சில படங்களில் நடித்து வருகிறார்.