టాలీవుడ్ స్టార్ హీరోయిన్‌ల‌లో ఒక‌రైన ర‌ష్మిక మంద‌న్న‌.. ఇప్పుడు త‌మిళంతో పాటు బాలీవుడ్‌లోనూ స్పీడు పెంచుతోంది. వరుస సినిమాలు చేస్తూ అందిరి దృష్టిని ఆక‌ర్షిస్తుంది. ఇప్పుడు వ‌రుస సినిమాలు విడుద‌ల‌వుతున్నాయి. ఈ హ్యుజ్ రిలీజెస్‌లో ర‌ష్మిక‌, కార్తీతో క‌లిసి న‌టించిన సుల్తాన్ సినిమా విడుద‌లవుతుంది. ఈ సినిమాకు సంబంధించి ఫొటోను ర‌ష్మిక షేర్ చేసింది. ఇంత‌కీ ర‌ష్మిక షేర్ చేసిన ఫొటో ఏంటో తెలుసా?..ర‌ష్మిక రైతుగా మారిన ఫొటోను షేర్ చేసింది. ఈ సినిమాలో ర‌ష్మిక ప‌ల్లెటూరి యువ‌తిగా న‌టించింది. సినిమా షూటింగ్ స‌మ‌యంలో రైతుగా చేసిన ఫొటోను ర‌ష్మిక షేర్ చేసింది. దుక్కిదున్నే యంత్రంతో ర‌ష్మిక రైతుగా మారిన ఫొటో ఇప్పుడు నెట్టింట వైర‌ల్ అవుతుంది. సుల్తాన్ సినిమా ఏప్రిల్ 2న విడుద‌ల‌వుతుంది.

అల్లు అర్జున్‌తో సుకుమార్ చేస్తున్న ప్యాన్ ఇండియా మూవీ ‘పుష్ప‌’తో బాలీవుడ్‌లోకి ఎంట్రీ ఇస్తుంద‌ని అంద‌రూ అనుకున్నారు. అయితే రీసెంట్‌గా సిద్ధార్థ్ మ‌ల్హోత్రాతో క‌లిసి ‘మిష‌న్ మ‌జ్ను’ సినిమాతో బాలీవుడ్ ఎంట్రీ ఇవ్వడానికి రెడీ అయ్యింది. ప‌రావాలేదే.. ర‌ష్మిక బాలీవుడ్‌లోనూ అవ‌కాశాల‌ను అందిపుచ్చుకుంటుందే అని అంద‌రూ అనుకుంటున్న స‌మ‌యంలో మ‌రింత స్పీడు పెంచింది. అలాగే బాలీవుడ్ సూప‌ర్‌స్టార్ అమితాబ్ బ‌చ్చ‌న్ ప్ర‌ధాన పాత్ర‌లో విశాల్ భ‌ట్ ద‌ర్శ‌క‌త్వంలో ఓ సినిమా రూపొంద‌నుంది. ఇందులో ర‌ష్మిక అమితాబ్ కుమార్తె పాత్ర‌లో క‌నిపించ‌నుంద‌ని అంటున్నారు.