రాశీ ఖన్నా ఇక హైదరాబాద్ అమ్మాయే..
- IndiaGlitz, [Saturday,April 02 2016]
మ‌ద్రాస్ కేఫ్ సినిమాతో బాలీవుడ్ లో ఎంట్రీ ఇచ్చి...ఊహ‌లు గుస‌గుస‌లాడే చిత్రంతో టాలీవుడ్ లో ఎంట్రీ ఇచ్చిన ఢిల్లి భామ రాశీ ఖన్నా. ఆత‌ర్వాత జోరు, జిల్, శివ‌మ్, బెంగాల్ టైగ‌ర్..త‌దిత‌ర చిత్రాల్లో న‌టించింది.ప్ర‌స్తుతం రాశీ ఖన్నా హీరో గోపీచంద్ తో క‌ల‌సి ఆక్సిజ‌న్ అనే సినిమా చేస్తుంది.
హైదరాబాద్ లో షూటింగ్ జ‌రుగుతున్నప్పుడు స్టార్ హాట‌ల్లో ఉండ‌డం చాలా ఇబ్బందిగా అనిపించింద‌ని...అందుచేత త్వ‌ర‌లోనే హైదరాబాద్ లో ఓ ప్లాట్ తీసుకోవాల‌నుకుంటున్న‌ట్టు గ‌తంలో ఓ ఇంట‌ర్ వ్యూలో చెప్పంది. షూటింగ్ కోసం హైదరాబాద్ రావ‌డం వ‌ల‌న ఫ్యామిలీ మెంబ‌ర్స్ ని మిస్ అవుతున్నాన‌ని..ఇక నుంచి అలా జ‌ర‌గ‌కుండా ఉండేందుకు ఇక్క‌డే ఓ ఇల్లు కొనుక్కొవాల‌నుకుంటున్న‌ట్టు చెప్పింది. ఇప్పుడు రాశీ ఖన్నా హైదరాబాద్ లో ఓ ఇల్లు కొనుక్కుంది. త‌న ఫ్యామిలీని కూడా ఇక్క‌డికి షిప్ట్ చేసింది. సో.. ఇక నుంచి ఢిల్లీ భామ రాశీ ఖన్నా హైదరాబాద్ అమ్మాయే.