ஐபிஎல் தொடக்கவிழாவில் கலந்து கொள்ளும் நடிகர்களின் விபரங்கள்
- IndiaGlitz, [Wednesday,March 28 2018]
2018ஆம் ஆண்டின் ஐபிஎல் கிரிக்கெட் திருவிழா தொடங்க இன்னும் ஒருசில நாட்களே உள்ள நிலையில் கிரிக்கெட் ரசிகர்கள் வெகு உற்சாகமாக உள்ளனர். ஒருசில போட்டிகளுக்கான டிக்கெட்டுக்கள் முன்பதிவு தொடங்கிவிட்டது. இந்த நிலையில் ஒவ்வொரு ஆண்டும் ஐபிஎல் கிரிக்கெட் போட்டியின் தொடக்கவிழா பிரமாண்டமாக நடைபெறும் என்பது தெரிந்ததே. அந்த வகையில் இந்த ஆண்டின் தொடக்கவிழாவும் மும்பை வான்கடே ஸ்டேடியத்தில் ஏப்ரல் 6ஆம் தேதி நடைபெறவுள்ளது.
ஒவ்வொரு ஆண்டின் தொடக்கவிழாவிலும் பாலிவுட்டின் பிரபல நடிகர், நடிகைகள் கலந்து கொண்டு விழாவை பிரமாண்டப்படுத்தி வரும் நிலையில் இந்த ஆண்டும் ஐபிஎல் தொடக்கவிழாவில் ரன்வீர்சிங், வருண்தவான், ப்ரினிதி சோப்ரா, ஜாக்க்லின் ஃபெர்னாண்டஸ் உள்பட பலர் கலந்து கொள்ளவுள்ளனர்.
இந்த ஆண்டு தொடக்கவிழாவில் ரன்வீர்சிங், வருண்தவான், ப்ரினிதி சோப்ரா, ஜாக்க்லின் ஃபெர்னாண்டஸ் ஆகியோர் சுமார் 45 நிமிடங்களுக்கு தனித்தனியாகவும், இணைந்தும் நடனமாடுவார்கள் என்றும், இந்த நடனத்திற்காக தற்போது அவர்கள் பயிற்சி எடுத்து வருவதாகவும் தெரிகிறது. இந்த நிலையில் ஏப்ரல் 7ஆம் தேதி முதல் போட்டியாக தல தோனி தலைமையிலான சென்னை சூப்பர் கிங்ஸ் அணியும், ரோஹித் சர்மா தலைமையிலான மும்பை இந்தியன்ஸ் அணியும் மோதவுள்ளது என்பது குறிப்பிடத்தக்கது.