தோனி, சச்சின் படங்களை அடுத்து மேலும் ஒரு கிரிக்கெட் படம்
- IndiaGlitz, [Wednesday,September 27 2017]
இந்திய கிரிக்கெட் வெற்றியாளர்கள் குறித்து தயாரிக்கப்படும் திரைப்படங்கள் அனைத்தும் சூப்பர் ஹிட் ஆகி வருவதை தொடர்ந்து மேலும் ஒரு பிரபல கிரிக்கெட் வீரரின் படம் உருவாகவுள்ளது.
ஏற்கனவே தோனி, சச்சின் வாழ்க்கை வரலாற்று திரைப்படங்கள் இந்தியா மட்டுமின்று உலகம் முழுவதும் சூப்பர் ஹிட் ஆகியுள்ளது. மேலும் மகளிர் கிரிக்கெட் கேப்டன் மிதிலாராஜ் வாழ்க்கை வரலாறு படமும் விரைவில் தொடங்கவுள்ளது
இந்த நிலையில் இந்தியாவுக்கு முதன்முதலில் உலகக்கோப்பையை கடந்த 1983ஆம் ஆண்டு பெற்று தந்த முன்னாள் கிரிக்கெட் வீரர் கபில்தேவ் வாழ்க்கை வரலாறு திரைப்படம் தற்போது உருவாகவுள்ளது. இந்த படத்திற்கு '1983 வேர்ல்ட் கப்' என்ற டைட்டில் வைக்கப்பட்டுள்ளது.
இந்த படத்தில் கபில்தேவ் கேரக்டரில் பாலிவுட்டின் முன்னணி நடிகர்களில் ஒருவராகிய ரன்வீர்சிங் நடிக்கவுள்ளார். இந்த படத்தை கபீர்கான் இயக்கவுள்ளார். இவர் ஏற்கனவே சல்மான்கான் நடித்த 'பாஜ்ராங்கி பைஜான், டியூப்லைட் போன்ற படங்களை இயக்கியவர் என்பது குறிப்பிடத்தக்கது.