ఎన్టీఆర్ పాత్రలో రణవీర్ సింగ్....?
- IndiaGlitz, [Monday,January 16 2017]
తెలుగులో యంగ్ టైగ‌ర్ ఎన్టీఆర్ హీరోగా పూరి జ‌గ‌న్నాథ్ దర్శకత్వంలో రూపొందిన చిత్రం టెంప‌ర్‌. ఎన్టీఆర్ కెరీర్‌లో వ‌న్ ఆఫ్ ది బెస్ట్ మూవీగా నిలిచిన ఈ చిత్రం ఇప్పుడు త‌మిళం, హిందీలో కూడా రీమేక్ కానుంది. త‌మిళంలో ఈ సినిమా విశాల్ హీరోగా రూపొందుతుంటే, హిందీలో రణవీర్ సింగ్ హీరోగా రూపొంద‌నుంది. తెలుగులో ఈ చిత్ర నిర్మాత‌ల్లో ఒక‌రైన స‌చిన్‌జోషి ఈ సినిమాను ముందు అభిషేక్ బ‌చ్చ‌న్‌తో చేయాల‌నుకున్నాడు. కానీ కుద‌ర‌లేదు. ఇప్పుడు రణవీర్ సింగ్‌తో ఈ సినిమా చేయ‌బోతున్నాడు. రోహిత్ శెట్టి ఈ సినిమాను తెర‌కెక్కించ‌నున్నాడు. మ‌రి తెలుగులో హీరోయిన్‌గా నటించిన కాజ‌ల్ అగ‌ర్వాల్ స్థానంలో ఎవ‌రు న‌టిస్తారో చూడాలి.