பேருந்து படிக்கட்டுகளில் பயணம் செய்த மாணவர்களை அடித்ததாக நடிகை ரஞ்சனா நாச்சியார் கைது செய்யப்பட்ட நிலையில் அவர் நேற்று மாலை ஜாமீனில் விடுவிக்கப்பட்டார். ஜாமீனில் வெளியான ரஞ்சனா நாச்சியாரை பெண்கள் ஆரத்தி எடுத்து வரவேற்ற வீடியோ இணையதளங்களில் வைரல் ஆனது.

இந்த நிலையில் அவர் செய்தியாளர்களிடம் பேட்டி அளித்த போது ’தப்பை எல்லோரும் தட்டிக் கேட்க வேண்டும், அவ்வாறு தட்டி கேட்கவில்லை என்றால், தட்டி கேட்ட அந்த பெண்ணுக்கு இன்று சிறையில் இருக்கிறார் என்று எல்லோரும் அவரவர் வேலையை பார்த்துக் கொண்டு சென்று விடுவார்கள், இதனால் நாடு அழிந்து தான் போகும்.

நாம் பெற்ற பிள்ளையாக இருந்தாலும், யார் பெற்ற பிள்ளையாக இருந்தாலும், தப்பு செய்தால் அவர்களை தட்டிக் கேட்க வேண்டும். அடுத்தவங்க பெத்த பிள்ளையாக இருந்தாலும் நம்ம பெத்த பிள்ளையாக இருந்தாலும் ஒரே நோக்கத்தோடு பார்க்க வேண்டும். இதனால் நிறைய விபத்துக்களை தடுக்கலாம்.

நான் பள்ளி மாணவர்களை அடித்ததும் திட்டியது தவறு தான், ஆனால் அதே நேரத்தில் என்னுடைய நோக்கம் சரியானது, அதனால் தான் எனக்கு ஜாமீனும் கிடைத்துள்ளது’ என்று கூறினார். மேலும் மாணவர்கள் பாதுகாப்பாக பயணம் செய்யும் வகையில் அரசை ஏற்பாடு செய்தால் நாங்கள் அதை ஏன் செய்யப் போகிறோம்’ என்றும் அவர் கூறினார்.