చివరి అంకంలో 'రంగస్థలం'
- IndiaGlitz, [Friday,January 19 2018]
మెగా పవర్ స్టార్ రామ్ చరణ్, యూత్ ఫుల్ డైరెక్టర్ సుకుమార్ కలయికలో తెరకెక్కుతున్న చిత్రం రంగస్థలం'. గ్రామీణ నేపథ్యంలో సాగే ఈ ప్రేమ కథని చాలా వరకు గోదావరి నదీ తీర ప్రాంతాల్లోనే చిత్రీకరణ జరిపారు. హైదరాబాదులో వేసిన సెట్ లో మరికొంత పార్ట్ షూటింగ్ జరుపుకుందీ చిత్రం. ఇప్పుడు షూటింగ్ చివరి దశకు చేరుకున్న నేపథ్యంలో.. కొన్ని కీలక సన్నివేశాలను చిత్రీకరించడానికి మళ్ళీ గోదావరి ప్రాంతానికి చేరుకుంది చిత్ర యూనిట్.
ఈ రోజు నుంచి రామ్ చరణ్, సమంతల మధ్య కొన్ని ప్రీ-క్లైమాక్స్ సన్నివేశాలని చిత్రీకరించనున్నారు. వీటితో ఈ సినిమా షూటింగ్ ని పూర్తి చేసుకోనుంది. మైత్రీ మూవీ మేకర్స్ పతాకంపై నిర్మితమౌతున్న ఈ ఫిలిం టీజరుని...జ‌న‌వ‌రి 24న విడుదల చేయడానికి చిత్ర యూనిట్ ప్లాన్ చేసింది. అలాగే సినిమాని మార్చి 30న వేసవి కానుకగా ప్రేక్షకుల ముందుకు తీసుకువచ్చే దిశ‌గా ప్ర‌య‌త్నాలు జ‌రుగుతున్నాయి. జ‌గ‌ప‌తిబాబు, అన‌సూయ, ఆది పినిశెట్టి త‌దిత‌రులు ఈ సినిమాలో కీలక పాత్ర‌లు పోషించారు.