1985 కాలం నాటి ప‌రిస్థితుల‌తో.. గ్రామీణ నేపథ్యంలో సాగే చిత్రంగా 'రంగస్థలం' చిత్రాన్ని తెరకెక్కించారు దర్శకుడు సుకుమార్. ఇందులో రామ్ చరణ్, సమంత నాయకా నాయికలుగా నటించిన విషయం తెలిసిందే. నేడు విడుద‌లైన ఈ సినిమా బ్లాక్‌బ‌స్ట‌ర్ టాక్ సంపాదించుకుని సెన్సేష‌న‌ల్ క‌లెక్ష‌న్స్ దిశ‌గా అడుగులు వేస్తుంది.

1700పైగా థియేట‌ర్స్‌లో విడుద‌లైన ఈ సినిమాను తెలుగు రాష్ట్రాల్లోనే కాదు.. ఓవ‌ర్‌సీస్‌లో కూడా క‌లెక్ష‌న్స్ దుమ్ము లేపుతుంది. యు.ఎస్‌లో 160 లొకేష‌న్స్‌లో ప్ర‌ద‌ర్శింప‌బ‌డుతున్న ఈ సినిమా ప్రీమియ‌ర్స్ ద్వారా ఇప్ప‌టికే 6 ల‌క్ష‌ల డాల‌ర్స్‌(నాలుగు కోట్లకు)పైగా వ‌సూళ్ల‌ను రాబ‌ట్ట‌కుంది.

యు.ఎస్‌లో క‌లెక్ష‌న్స్ టాప్ తెలుగు మూవీ క‌లెక్ష‌న్స్‌లో 'రంగ‌స్థ‌లం' ఆరోస్థానంలో నిల‌బ‌డింది. 'బాహుబలి 2', 'అజ్ఞాతవాసి', 'బాహుబలి ది బిగినింగ్‌', 'ఖైదీ నంబర్‌ 150', 'స్పైడర్‌' చిత్రాల త‌ర్వాత రంగ‌స్థ‌లం చేరింది. శ‌నివారానికి సినిమా మిలియ‌న్ డాల‌ర్స్ క్ల‌బ్‌లో చేరుతుంద‌ని ట్రేడ్ వ‌ర్గాల స‌మాచారం.