'రంగస్థలం' మొదటి పాటకు మంచి స్పందన
- IndiaGlitz, [Tuesday,February 13 2018]
యేరు శెన‌గ కోసం మ‌ట్టిని తవ్వితే ఏకంగా త‌గిలిన లంకె బిందెలాగా ఎంత స‌క్క‌గున్నావే ల‌చ్చిమి.. అంటూ రంగ‌స్థ‌లంలో మొదటి పాట‌ను విడుదల చేశారు. 1980 బ్యాక్‌డ్రాప్‌లో సాగే ఈ సినిమాలో ఆ బ్యాక్‌డ్రాప్‌కు త‌గిన‌ట్లు సాంగ్ ఉంది. ఈ పాట‌ను దేవిశ్రీ ప్ర‌సాద్ ఆల‌పించాడు.
ట్యూన్ వినేవారంద‌రికీ న‌చ్చేలా.. చంద్ర‌బోస్ సాహిత్యం పామ‌రుల‌కు సైతం అర్థ‌మ‌య్యేలా అందంగా ఉంది. ప్రేమికుల రోజు సంద‌ర్భంగా విడుదల చేసిన రంగస్థలం లిరిక‌ల్ వీడియోకు ప్రేక్ష‌కుల నుండి చాలా మంచి స్పందన వ‌స్తుంది. పాట విడుద‌లైన కాసేప‌టికే పాట‌ను ఐదు ల‌క్ష‌ల మంది వీక్షించ‌డం విశేషం. రామ్‌చ‌ర‌ణ్, స‌మంత జంటగా న‌టించిన ఈ సినిమాను సుకుమార్ తెర‌కెక్కిస్తున్నాడు. మైత్రీ మూవీ మేక‌ర్స్ బ్యాన‌ర్‌పై సినిమా మార్చి 30న విడుద‌ల‌వుతుంది.