మెగాప‌వ‌ర్ స్టార్ రామ్‌చ‌ర‌ణ్‌, క్రియేటివ్ జీనియ‌స్ సుకుమార్ కాంబినేష‌న్‌లో రూపొందుతున్న తొలి చిత్రం 'రంగ‌స్థ‌లం'. అక్కినేని స‌మంత క‌థానాయిక‌గా న‌టిస్తున్న ఈ చిత్రంలో పూజా హెగ్డే ఓ ప్ర‌త్యేక గీతంలో ఆడిపాడ‌నుంది. సుకుమార్ ఆస్థాన సంగీత ద‌ర్శ‌కుడు దేవిశ్రీ ప్ర‌సాద్ సంగీత‌మందిస్తున్న ఈ చిత్రాన్ని మైత్రి మూవీ మేక‌ర్స్ సంస్థ ప్ర‌తిష్ఠాత్మ‌కంగా నిర్మిస్తోంది. ప్ర‌స్తుతం నిర్మాణ ద‌శ‌లో ఉన్న ఈ చిత్రాన్ని సంక్రాంతి కానుక‌గా విడుద‌ల చేయాల‌ని చిత్ర బృందం ప్లాన్ చేసింది.

అయితే అదే స‌మ‌యంలో ప‌వ‌న్ క‌ళ్యాణ్ 25వ చిత్రం కూడా విడుద‌ల కానుండ‌డంతో.. రంగ‌స్థ‌లం విడుద‌ల వాయిదా ప‌డింది. కాగా, తాజాగా వినిపిస్తున్న క‌థ‌నాల ప్ర‌కారం మార్చి 30న వేస‌వి కానుక‌గా ఈ సినిమా ప్రేక్ష‌కుల ముందుకొచ్చే అవ‌కాశం ఉంద‌ని తెలిసింది. జ‌గ‌ప‌తిబాబు, ఆది పినిశెట్టి, అన‌సూయ త‌దిత‌రులు ఇత‌ర ముఖ్య పాత్ర‌ల్లో న‌టిస్తున్న ఈ చిత్రానికి ప్ర‌ముఖ ఛాయాగ్రాహ‌కుడు ర‌త్న‌వేలు ఫొటోగ్ర‌ఫీ అందిస్తున్నారు. ధృవ త‌రువాత రామ్‌చ‌ర‌ణ్ క‌థానాయ‌కుడిగానూ.. నాన్న‌కు ప్రేమ‌తో త‌రువాత సుకుమార్ ద‌ర్శ‌క‌త్వంలోనూ వ‌స్తున్న సినిమా కావ‌డంతో రంగ‌స్థ‌లంపై భారీ అంచ‌నాలే ఉన్నాయి.