అర్జున్ రెడ్డితో తెలుగు ఇండస్ట్రీలో సెన్సేషన్ క్రియేట్ చేసిన దర్శకుడు సందీప్ రెడ్డి వంగా. అప్పటివరకు తెలుగులో రాని స్క్రీన్‌ప్లేతో యూత్‌కు పూనకాలు తెప్పించాడు. ముఖ్యంగా లవ్‌ ఫెయిల్యూర్‌గా హీరో విజయ్ దేవరకొండ యాటిట్యూడ్, డైలాగులు, పాటలు యువతను కట్టిపడేశాయి. ఈ సినిమాతో విజయ్ హీరోగా నిలదొక్కుకున్నాడు. ఆ తర్వాత ఇదే మూవీని హిందీలో 'కబీర్ సింగ్‌'గా షాహిద్ కపూర్‌ హీరోగా రిమేక్ చేశాడు. హిందీలో కూడా ఈ మూవీ అక్కడి ప్రేక్షకులను ఆకట్టుకుంది.

బుధవారం 'అమ్మాయి' అంటూ సాగే ఫస్ట్ సింగిల్ విడుదల..

ఇప్పుడు బాలీవుడ్‌లో నేరుగా రణ్‌బీర్ హీరోగా యానిమల్-ది మోస్ట్‌ వైలెంట్‌ చిత్రం తెరకెక్కిస్తున్నాడు సందీప్. ఇటీవల విడుదల చేసిన టీజర్‌లో సినిమా ఎలా ఉండబోతుందో చూపించేశాడు. తన మార్క్ యాటిట్యూడ్‌తో పాటు యాక్షన్ సీక్వెన్స్‌తో అలరించాడు. తాజాగా ఈ సినిమా నుంచి 'అమ్మాయి' అంటూ సాగే ఫస్ట్ సింగిల్‌ను రేపు(బుధవారం) విడుదల చేయనున్నట్లు మేకర్స్ ప్రకటించారు. ఓ ప్రైవేట్ జెట్‌లో రణ్‌బీర్, రష్మిక గాఢంగా లిప్‌లాక్ పెట్టుకుంటున్న పోస్టర్ విడుదల చేశారు. ఈ పోస్టర్ చూస్తుంటే మూవీలో రొమాన్స్ ఏ విధంగా ఉండనుందో అర్థం అవుతోంది.

రణ్‌బీర్ తండ్రిగా అనిల్ కపూర్..

ఇక గ్యాంగ్‌స్టర్ నేపథ్యంలో తెరకెక్కుతున్న ఈ సినిమాలో రష్మిక హీరోయిన్‌గా నటిస్తుంది. బాలీవుడ్ స్టార్ అనీల్ కపూర్.. రణ్‌బీర్‌ తండ్రిగా కనినిపించనున్నాడు. ఇక మనన్ భరద్వాజ్‌ ఈ సినిమాకు స్వరాలు అందిస్తున్నాడు. భద్రకాళి పిక్చర్స్‌, టీ సిరీస్‌ సంస్థలు సంయుక్తంగా ఈ సినిమాను నిర్మిస్తున్నాయి. ముందుగా ఆగస్టు 11న సినిమాను విడుదల చేయాలని భావించినా.. వీఎఫ్ఎక్స్ వర్క్ పూర్తి కాకపోవడంతో డిసెంబర్ 1కు వాయిదా వేశారు.