రెండు చోట్ల 'ర‌ణ రంగం' ప్రీ రిలీజ్
- IndiaGlitz, [Sunday,July 28 2019]
శ‌ర్వానంద్ హీరోగా న‌టించిన 'ర‌ణ‌రంగం' సినిమా ఆగ‌స్ట్ 15న విడుద‌ల కానుంది. నిజానికి ముందుగా ఆగ‌స్ట్ 2న సినిమాను విడుద‌ల చేయాల‌నుకున్నారు. కానీ ఇప్పుడు ఆగ‌స్ట్ 15కి వాయిదా వేసిన సంగతి తెలిసిందే. గ్యాంగ్ స్ట‌ర్ డ్రామా ఇది. సుధీర్ వ‌ర్మ ద‌ర్శ‌క‌త్వం వ‌హించారు. కాజ‌ల్, క‌ల్యాణి ప్రియ‌ద‌ర్శి నాయిక‌లు. ఈ సినిమాలో శ‌ర్వా లుక్‌కి ఇప్పటికే చాలా మంచి స్పంద‌న వ‌స్తోంది. ఈ సినిమాను సితార ఎంట‌ర్‌టైన్‌మెంట్స్ ప‌తాకంపై నిర్మించారు. సూర్య‌దేవ‌ర‌నాగ‌వంశీ నిర్మాత.
లేటెస్ట్ స‌మాచారం ప్ర‌కారం ఈ సినిమా ప్రీ రిలీజ్ ఈవెంట్‌ను రెండు చోట్ల ప్లాన్ చేశారు. ముందుగా ఆగ‌స్ట్ 4న కాకినాడ‌లో ప్లాన్ చేశారు. ప్ర‌త్యేకంగా కాకినాడ‌లో చేయ‌డానికి కార‌ణం.. అక్క‌డ ఈ సినిమాలోని కీల‌క స‌న్నివేశాల‌ను చిత్రీక‌రించ‌డ‌మే. అలాగే ఆగ‌స్ట్ 10 లేదా 11న హైద‌రాబాద్‌లోనూ ప్లాన్ చేశారు. ఈ ప్రీ రిలీజ్ వేడుక‌కి రాబోయే అతిథులెవ‌రో త్వ‌ర‌లోనే క‌న్‌ఫ‌ర్మ్‌కానుంది.