పవన్ టైటిల్ తో రానా..
- IndiaGlitz, [Friday,June 10 2016]
పవన్ టైటిల్ తో రానా..అన‌గానే ఇంత‌కీ ఏ టైటిల్ అనుకుంటున్నారా..? స‌ర్ధార్..! అవును స‌ర్దార్ అన‌గానే అంద‌రికీ పవన్ గుర్తుకువ‌స్తారు. ఈసారి రానా కూడా స‌ర్ధార్ గా ప్రేక్ష‌కుల ముందుకు రానున్నాడ‌ట. ఇంత‌కీ విష‌యం ఏమిటంటే...పంజాబీలో స‌ర్ధార్ జీ అనే చిత్రం రూపొందింది. పంజాబీలో తెర‌కెక్కిన తొలి ఫాంట‌సీ చిత్రంగా స‌ర్ధార్ జీ సెన్సేష‌న్ క్రియేట్ చేస్తుంది. 20 కోట్ల‌తో రూపొందిన ఈ చిత్రం 50 కోట్లు వ‌సూలు చేసింది.
ఈ చిత్రం రానాకి బాగా న‌చ్చింద‌ట. దీంతో స‌ర్ధార్ జీ రీమేక్ హ‌క్కులు సొంతం చేసుకున్నాడ‌ని స‌మాచారం. త్వ‌ర‌లో ఈ చిత్రాన్ని ప్రారంభించాలి అనుకుంటున్నాడ‌ట. ప్ర‌స్తుతం రానా ఘాజీ, బాహుబ‌లి 2, తేజ తెర‌కెక్కిస్తున్న చిత్రంలో న‌టిస్తున్నాడు. బాల, శ్రీరాఘ‌వ లతో కూడా సినిమాలు చేసేందుకు ప్లాన్ చేస్తున్నాడు. వీటితో పాటే స‌ర్ధార్ జీ చిత్రంలో కూడా న‌టిస్తాడ‌ట. స‌ర్ధార్ టైటిల్ బాగా పాపుల‌ర్ కాబ‌ట్టి అదే టైటిల్ తో సినిమా చేయాల‌నుకుంటున్నాడ‌ట.