రానా ద‌గ్గుబాటి హీరోగా డిఫ‌రెంట్ సినిమాలు చేస్తూ విల‌క్ష‌ణ‌మైన న‌టుడిగా రాణిస్తున్నారు. ఇటీవ‌ల కొంత కాలం సినిమాల‌కు దూరంగా ఉన్న సంగ‌తి తెలిసిందే. రానా అనారోగ్య స‌మ‌స్య‌లే అందుకు కార‌ణమ‌ని వార్త‌లు కూడా విన‌ప‌డ్డాయి. ఈ గ్యాప్ త‌ర్వాత రానా వ‌రుస సినిమాల‌కు ఓకే చెబుతున్నారు. ఆయ‌న న‌టించిన ఆర‌ణ్య ఏప్రిల్ 2న విడుద‌ల కావాల్సింది. కానీ క‌రోనా ప్ర‌భావంతో సినిమా ఆగింది. క‌రోనా ఎఫెక్ట్ త‌గ్గిన త‌ర్వాత ఆర‌ణ్య విడుద‌ల తేదీ ఖ‌రార‌వుతుంద‌ని చెబుతున్నారు.

ఇది కాకుండా తెలుగులో విరాట‌ప‌ర్వం సినిమాను రానా చేస్తున్నారు. అలాగే మ‌ల‌యాళ చిత్రం అయ్య‌ప్ప‌నుమ్ కోశియుమ్ రీమేక్‌లోనూ రానా పేరు ప్ర‌ముఖంగా క‌న‌ప‌డుతుంది. అయితే రీసెంట్‌ ఓ అభిమాని ట్విట్ట‌ర్‌లో రానాను ఫుల్ లెంగ్త్ రొమాంటిక్ ఎంట‌ర్‌టైన‌ర్‌లో న‌టించ‌డం చూడాల‌నుంద‌ని కోరాడు. దానికి రానా వెంట‌నే రియాక్ట్ అయ్యారు. త్వ‌ర‌లోనే తాను రొమాంటిక్ ఎంట‌ర్‌టైన‌ర్‌లో న‌టించబోతున్నాన‌ని, ఆ వివ‌రాల‌ను త్వ‌ర‌లోనే ప్ర‌క‌టిస్తామ‌ని చెప్పుకొచ్చారు. నటుడిగానే కాకుండా రానా నిర్మాత‌గానూ బిజీ అవుతున్నారు. ఈయ‌న నిర్మాణంలో కొన్ని కాన్సెప్ట్ బేస్డ్ మూవీస్‌, వెబ్ సిరీస్‌లు రూపొంద‌నున్నాయి. క‌రోనా ఎఫెక్ట్ త‌గ్గిన త‌ర్వాత క్ర‌మంగా వివ‌రాలు వెల్ల‌డి కానున్నాయి.