రానా హీరోగా తేజ ద‌ర్శ‌క‌త్వంలో ఓ చిత్రం రూపొందుతున్న విష‌యం తెలిసిందే. ఈ చిత్రంలో రానా స‌ర‌స‌న‌ కాజ‌ల్ అగ‌ర్వాల్ న‌టిస్తుంది. తేజ సినిమా అంటే...అంద‌రూ ప్రేమ‌క‌థా చిత్ర‌మే అనుకుంటారు. ఎందుకంటే...ప్రేమక‌థ‌లు తీయ‌డంలో తేజ స్పెష‌లిస్ట్. అయితే..రానా తో తేజ తీస్తున్న సినిమా ప్రేమ క‌థా చిత్రం కాద‌ట‌. ఇది ఓ పొలిటిక‌ల్ డ్రామా అని స‌మాచారం.

ఇంకా చెప్పాలంటే... లీడ‌ర్ 2 అనేలా ఈ చిత్రం ఉంటుంద‌ట‌. రానా - కాజ‌ల్ ఇందులో భార్యాభ‌ర్త‌లుగా న‌టిస్తున్నార‌ట‌. ముఖ్యంగా కాజ‌ల్ క్యారెక్ట‌ర్ చాలా స్ట్రాంగ్ గా ఉంటుంద‌ట‌. తేజ ద‌ర్శ‌క‌త్వంలో రూపొందిన ల‌క్ష్మీ క‌ళ్యాణం చిత్రంతో కాజ‌ల్ హీరోయిన్ గా ఎంట్రీ ఇచ్చింది. ఇన్నాళ్ల‌కు మ‌ళ్లీ తేజ ద‌ర్శ‌క‌త్వంలో కాజ‌ల్ న‌టిస్తుంది. మ‌రి...రానా తో చేస్తున్న ఈ సినిమాతోనైనా తేజ స‌క్సెస్ సాధిస్తాడో లేదో చూడాలి.