టాలీవుడ్ హీరో రానా ద‌గ్గుబాటి ఈరోజు త‌న స్నేహితుల‌కు, అభిమానుల‌కు పెద్ద షాకే ఇచ్చాడు. ఇంత‌కూ రానా ఇచ్చిన షాకేంటో తెలుసా? ఓ అమ్మాయితో దిగిన ఫొటోను షేర్ చేసిన రానా ఆమె ఓకే చెప్పింది అంటూ మెసేజ్ కూడా పోస్ట్ చేశాడు. ఆమె పేరు మిహికా బ‌జాజ్ అని తెలిపారు. ఈ ఫొటో ఇప్పుడు నెట్టింట తెగ వైర‌ల్ అవుతుంది. హీరోలు, హీరోయిన్స్ అంద‌రూ రానాకు అభినంద‌నలు తెలియ‌జేస్తున్నారు. శృతిహాస‌న్‌, స‌మంత‌, కియారా అద్వానీ, రాశీ ఖ‌న్నా, హ‌న్సిక త‌దిత‌రులు రానాకు అభినంద‌న‌లు తెలిపారు. రామ్‌చ‌ర‌న్ స‌తీమ‌ణి ఉపాస‌న ఓ మైగాడ్ అంటూ శుభాకాంక్ష‌లు చెబితే మై మెన్.. ఎంగేజ్డ్ గ్యాంగ్‌లోకి స్వాగ‌తం అని నిఖిల్ అన్నారు.

ఈ ఫోటోను రానా ప్ర‌త్యేకంగా షేర్ చేశారంటే త్వ‌ర‌లోనే రానా ఓ ఇంటివాడు కాబోతున్నాడ‌ని అర్థ‌మ‌వుతుంది. మిహీక బ‌జాజ్ స్వ‌స్థ‌లం హైద‌రాబాద్‌. ఆమె డ్యూ డ్రాప్ స్టూడియో అనే ఈవెంట్ మేనేజ్‌మెంట్ సంస్థ‌ను న‌డుపుతున్నారు. రానా సినిమాల విష‌యానికి వ‌స్తే ఈయ‌న టైటిల్ పాత్ర‌లో న‌టించిన ఆరణ్య విడుద‌ల‌కు సిద్ధంగా ఉండ‌గా.. మ‌రో ప‌క్క సాయిప‌ల్ల‌వితో క‌లిసి వేణు ఊడుగుల ద‌ర్శ‌క‌త్వంలో విరాట‌ప‌ర్వం 1992 సినిమాలో రానా న‌టిస్తున్నారు.