కొత్త పాత్రలో రానా
- IndiaGlitz, [Monday,August 31 2015]
తొలి చిత్రం లీడర్' నుండి రానా డిఫరెంట్ సినిమాలను ఎంచుకుంటూ ముందుకెళ్తున్నాడు. తెలుగులో కాకుండా తమిళం, హిందీలో కూడా ప్రేక్షకులకు సుపరిచితుడయ్యాడు. రీసెంట్ గా బాహుబలి'లో భల్లాలదేవగా మెప్పించిన రానా ఇప్పుడు దాని సీక్వెల్ కి రెడీ అవుతున్నాడు. ఈ సినిమా పూర్తి కాగానే నావీ కథతో రూపొందునున్న చిత్రంలో రానా నటించనున్నాడు.
1971లో ఇండో పాక్ యుద్ధంలో పాకిస్థాన్ కి చెందిన ఘాజి అనే సబ్ మెరైన్ సముద్రంలో గల్లంతయ్యింది. ఆ కాన్సెప్ట్ తో ఈ సినిమా రూపొందనుందట. సంకల్ప్ అనే ఫిలిం మేకర్ చెప్పిన కథ నచ్చడంతో రానా ఈ సినిమాలో నటించడానికి ఆసక్తి చూపిస్తున్నాడట. ఈ చిత్రంలో ప్రకాష్ రాజ్ కమాండర్ పాత్రలో నటిస్తున్నాడని సమాచారం.