கும்கி உள்பட பல வெற்றி படங்களை இயக்கிய இயக்குனர் பிரபுசாலமன் தற்போது 'கும்கி 2' என்ற படத்தை இயக்கி வருகிறார் என்பது தெரிந்ததே. இந்த படத்தில் மதிவாணன் மற்றும் அதிதிமேனன் ஆகியோர் அறிமுகமாகின்றனர்.

இந்த நிலையில் இயக்குனர் பிரபுசாலமனின் அடுத்த படமும் யானையை பற்றியதுதான். கடந்த 1971ஆம் ஆண்டு ராஜேஷ்கண்ணா நடித்த பாலிவுட் திரைப்படமான 'Haathi Mere Saathi' என்ற படத்தின் ரீமேக் படத்தை பிரபுசாலமன் தமிழ், தெலுங்கு மற்றும் இந்தி என மூன்று மொழிகளில் இயக்கவுள்ளார். 

இந்த படத்தில் 'பாகுபலி மற்றும் 'பாகுபலி 2' படங்களில் வில்லனாக நடித்த ராணா முக்கிய வேடத்தில் நடிக்கவுள்ளார். இந்த ரீமேக் படத்தில் ஒரு உண்மை சம்பவமும் இணைக்கப்படவுள்ளதாகவும், இந்த படத்தின் படப்பிடிப்பு தாய்லாந்து உள்பட பல பகுதிகளில் நடத்த திட்டமிடப்பட்டுள்ளதாகவும் கூறப்படுகிறது. இந்த படம் மனிதனுக்கும் யானைக்கும் இடையே உள்ள பந்தத்தை உணர்ச்சிகரமாக வெளிப்படுத்தும் படமாக இருக்கும் என்றும், பிரபுசாலமனின் இயற்கை எழில் கொஞ்சம் காட்சிகள் இந்த படத்திலும் இருக்கும் என்றும் ராணா தெரிவித்துள்ளார்