వేసవిలో రానా సందడి
- IndiaGlitz, [Thursday,January 04 2018]
రొటీన్ కథలకి భిన్నంగా కథలను ఎంచుకుంటూ తన సినీ ప్రయాణాన్ని సాగిస్తున్న నటుడు రానా. లీడర్', ఘాజి', బాహుబలి' నేనే రాజు నేనే మంత్రి' వంటి వైవిధ్యమైన సినిమాలతో విజయాల్ని తన ఖాతాలో వేసుకున్నారు. ప్ర‌స్తుతం రానా.. చారిత్రాత్మ‌క చిత్రం 1945'లో నటిస్తున్నారు. ఈ సినిమాని యుద్ధం నేపధ్యంలో సాగే ప్రేమకథా చిత్రంగా తెలుగు, తమిళం భాషల్లో బైలింగ్వల్ మూవీగా సత్యశివ తెరకెక్కిస్తున్నారు.
ఇందులో.. సుభాష్ చంద్రబోస్ స్థాపించిన “ఆజాద్ హింద్ ఫౌజ్'లో ఒక సైనికుడిగా కనిపించనున్నారు రానా. ఇప్పటికే షూటింగ్ పూర్తిచేసుకున్న ఈ చిత్రంలో నాజర్, సత్యరాజ్ కీలక పాత్రలు పోషించారు. రెజీనా కథానాయికగా నటించిన ఈ సినిమాని ఎస్.ఎన్. రాజరాజన్ (బాహుబలి తమిళ్ వెర్షన్ నిర్మాత) నిర్మిస్తున్నారు. ఈ మూవీని వేసవి సందర్భంగా తెలుగు, తమిళం, హిందీ భాషల్లో ఏక‌కాలంలో విడుదల చేయనున్నార‌ని వార్త‌లు వినిపిస్తున్నాయి. ఈ చిత్రంతో రానా ఖాతాలో మ‌రో విజ‌యం చేరుతుందేమో చూడాలి.