లీడ‌ర్ సినిమాతో హీరోగా ప‌రిచ‌య‌మైన రానా తొలి చిత్రంతో విజ‌యం సాధించినా...ఆత‌ర్వాత సోలో హీరోగా మాత్రం స‌క్సెస్ సాధించ‌లేక‌పోయాడు. నా ఇష్టం, నేను నా రాక్ష‌సి..ఇలా సోలో హీరోగా సినిమాలు చేసినా విజ‌యం మాత్రం సాధించ‌లేక‌పోయాడు. అయితే బాహుబ‌లి సినిమాతో రానా మంచి క్రేజ్ సంపాదించుకున్నాడు. ఇప్పుడు రానా సోలో హీరోగా స‌క్సెస్ సాధించాల‌నుకుంటున్నాడ‌ట‌. ప్ర‌స్తుతం రానా బాహుబ‌లి 2 లో న‌టిస్తున్నాడు.

ఇదిలా ఉంటే... రానా కోసం తేజ ఓ క‌థ రెడీ చేసి ఇటీవ‌ల వినిపించాడ‌ట‌. క‌థ విని రానా గ్రీన్ సిగ్న‌ల్ ఇచ్చిన‌ట్టు స‌మాచారం. రానా - తేజ కాంబినేష‌న్లో రూపొందే ఈ చిత్రంలో రానా స‌ర‌స‌న ప‌వ‌ర్ స్టార్ హీరోయిన్ న‌టిస్తుంద‌ట‌. ఇంత‌కీ ప‌వ‌ర్ స్టార్ హీరోయిన్ ఎవ‌రనుకుంటున్నారా..? స‌ర్ధార్ లో ప‌వ‌ర్ స్టార్ స‌ర‌స‌న న‌టించిన కాజ‌ల్. తేజ ద‌ర్శ‌క‌త్వంలో రూపొందిన ల‌క్ష్మీ క‌ళ్యాణం సినిమా ద్వారానే కాజ‌ల్ క‌థానాయిక‌గా ప‌రిచ‌యం అయ్యింది. అందుక‌నే అనుకుంట త‌న తొలి చిత్ర ద‌ర్శ‌కుడు తేజ క‌థ చెప్ప‌గానే వెంట‌నే కాజ‌ల్ ఓకే చెప్పింద‌ట‌. త్వ‌ర‌లోనే ఈ సినిమాని ఎనౌన్స్ చేయ‌నున్న‌ట్టు స‌మాచారం.