పోలీస్ స్టేష‌న్లో రానా బ్ర‌ద‌ర్ అభిరామ్..
- IndiaGlitz, [Monday,November 30 2015]
ద‌గ్గుబాటి రానా బ్ర‌ద‌ర్ అభిరామ్..బైక్ పై వెళుతున్న ఇద్ద‌రు యువ‌కులు మ‌ధ్య జ‌రిగిన గొడవ చివ‌రికి పోలీస్ స్టేష‌న్ కి చేరింది. జూబ్లీహిల్స్ రోడ్ లో వెళుతున్న అభిరామ్ కారును బైక్ పై వెళుతున్న ఇద్ద‌రు యువ‌కులు డ్యాష్ ఇచ్చి వేగంగా వెళ్లిపోయార‌ట. దీంతో అభిరామ్ వాళ్ల‌ను వెంబ‌డించి ఎటాక్ చేసాడ‌ట. దీంతో ఆ ఇద్ద‌రు యువ‌కులు అభిరామ్ పై పోలీస్ స్టేష‌న్ లో ఫిర్యాదు చేసారు.
ఆత‌ర్వాత అభిరామ్ కూడా త‌న కారుకు డ్యాష్ ఇచ్చార‌ని ఆ ఇద్ద‌రు యువ‌కుల‌పై ఫిర్యాదు చేసాడ‌ట. ఇలా ఒక‌రి పై ఒక‌రు ఫిర్యాదు చేసుకున్నారు. ఈ విష‌యాన్ని సీరియ‌స్ గా తీసుకున్న పోలీసులు...అస‌లు ఏం జ‌రిగింది..ముందుగా ఎవ‌రు గొడవ ప్రారంభించారు అనేది తెల‌సుకునేందుకు సి.సి.కెమెరా పుటేజ్ ప‌రిశీలించారు. అయితే చివ‌రికి బైక్ వ‌చ్చి డ్యాష్ ఇచ్చిన యువ‌కులు కారు డ్యామేజ్ స‌రిచేయ‌డానికి ఎంత ఖ‌ర్చు అయితే అంత ఇచ్చేందుకు అంగీక‌రించ‌డంతో గొడ‌వకు తెర‌ప‌డింది.