రానా బర్త్‌డే స్పెషల్.. ‘విరాటపర్వం’ ఫస్ట్‌లుక్ వచ్చేసింది..
- IndiaGlitz, [Monday,December 14 2020]
కెరీర్ ఆరంభం నుంచి స్లో అండ్ స్టడీ విధానాన్ని అవలంభిస్తూ.. మంచి మంచి పాత్రలతో తనకంటూ ప్రత్యేకమైన గుర్తింపు తెచ్చుకున్న నటుడు రానా దగ్గుబాటి. ఇవాళ రానా దగ్గుబాటి పుట్టినరోజు. ఈ సందర్భంగా ఆయన నటిస్తున్న ‘విరాటపర్వం’ బృందం బర్త్ డే స్పెషల్‌ను విడుదల చేసింది. ‘విరాటపర్వం’ ఫస్ట్‌లుక్‌ను ఆ చిత్రబృందం రానా పుట్టినరోజు కానుకగా విడుదల చేసింది. ఏకే 47తో రానా నడుచుకుంటూ వస్తున్నట్టుగా ఫస్ట్‌లుక్‌ను చిత్రబృందం డిజైన్ చేసింది. ఈ పోస్టర్‌లో రానా లుక్ ఆకట్టుకుంటోంది. గత సినిమాల కంటే రానా ఈ సినిమాలో బాగా స్లిమ్‌గా కనిపిస్తున్నాడు.
నక్సలైట్ నేపథ్యంలో తెరకెక్కుతున్న ఈ సినిమాలో రానా.. కామ్రేడ్ రవి అన్నగా అలరించనున్నాడు. రానా సరసన సాయిపల్లవి కథానాయికగా నటిస్తోంది. వేణు ఉడుగుల దర్శకత్వంలో తెరకెక్కుతున్న ఈ సినిమాను సుధాకర్ చెరుకూరి నిర్మిస్తున్నారు. ఎస్‌.ఎల్‌.వి సినిమాస్‌ పతాకంపై ఈ చిత్రం తెరకెక్కుతోంది. ఈ సినిమాలో ప్రియమణి, నందితాదాస్‌, నవీన్‌చంద్ర, నివేద పేతురాజ్ తదితరులు కీలక పాత్రల్లో నటిస్తున్నారు. ఈ సినిమా వచ్చే ఏడాది ప్రేక్షకుల ముందుకు రాబోతోంది.