ఎన్టీఆర్ 30 కీల‌క పాత్ర‌లో శివ‌గామి!
- IndiaGlitz, [Monday,September 21 2020]
ర‌మ్య‌కృష్ణ టాలీవుడ్ సినీ ప్రేక్ష‌కుల హృద‌యాల్లో బాహుబ‌లి పుణ్య‌మాని రాజ‌మాత శివ‌గామి దేవిగా తిరుగులేని స్థానాన్ని ద‌క్కించుకుంది. బాహుబ‌లి త‌ర్వాత ర‌మ్య‌కృష్ణ చాలా సినిమాలే చేసినా ఆ రేంజ్ పాత్ర‌లు రాలేదు. అయితే ఆమెను ప్రేక్ష‌కులు శివ‌గామిగానే చూస్తున్నారు. న‌టిగా ఆమె త‌న‌ను తాను కొత్తగా ప్రూవ్ చేసుకోవాల్సిన అవ‌స‌రం లేదు. అయితే మాత్రం ఆమెకు త‌గ్గ పాత్ర‌లు రాలేద‌నే చెప్పాలి. అయితే లేటెస్ట్ సినీ వ‌ర్గాల స‌మాచారం మేర‌కు ర‌మ్య‌కృష్ణ కోసం మాట‌ల మాంత్రికుడు ఓ అద్భుత‌మైన క్యారెక్ట‌ర్‌ను రాశార‌ట.
యంగ్ టైగ‌ర్ ఎన్టీఆర్, త్రివిక్ర‌మ్ శ్రీనివాస్ కాంబినేష‌న్‌లో అర‌వింద స‌మేత వీర‌రాఘ‌వ త‌ర్వాత మ‌రో సినిమా రూపొంద‌లేదు. వీరి క‌ల‌యిక‌లో రూపొంద‌బోయే త‌దుప‌రి చిత్రంను అధికారికంగా ప్ర‌క‌టించారు. ఆర్ఆర్ఆర్ చిత్రీక‌ర‌ణ పూర్తికాగానే తార‌క్ త్రివిక్ర‌మ్ సినిమానే మొద‌లు పెట్ట‌డానికి ఆస‌క్తిగా ఎదురుచూస్తున్నారు. ఈ చిత్రానికి సంబంధించిన ప్రీ ప్రొడ‌క్ష‌న్ ప‌నులు చ‌క‌చ‌కా జ‌రుగుతున్నాయి. ఈ సినిమాలో ర‌మ్య‌కృష్ణ కోసం త్రివిక్ర‌మ్ రాసిన పాత్ర హైలెట్‌గా ఉంటుంద‌ని టాక్ వినిపిస్తోంది. మ‌రి ర‌మ్య‌కృష్ణ నెగ‌టివ్ షేడ్ ఉన్న పాత్ర‌లో ఏమైనా క‌నిపిస్తారేమో చూడాల‌ని ప్రేక్ష‌కాభిమానులు ఆస‌క్తిగా ఎదురుచూస్తున్నారు.