'యాత్ర' లో విజయమ్మగా రమ్యకృష్ణ?
- IndiaGlitz, [Friday,April 20 2018]
సమైక్యాంధ్రప్రదేశ్ ముఖ్యమంత్రి, దివంగత నేత డా.రాజశేఖర్ రెడ్డి జీవిత కథను సినిమాగా తెరకెక్కిస్తున్న విషయం తెలిసిందే. ఈ చిత్రానికి మహి వి.రాఘవ్ దర్శకత్వం వహిస్తున్నారు. 70 ఎం.ఎం.ఎంట‌ర్‌టైన్‌మెంట్స్ పతాకంపై విజయ్ చిల్లా, శశి దేవిరెడ్డి నిర్మిస్తున్నారు. మండువేస‌విలో దాదాపు 1475 కి.మి.పాదయాత్ర చేసి.. ఆ యాత్ర ప్రభావంతో ముఖ్యమంత్రిగా పదవీ బాధ్యతను చేప‌ట్టారు వై.ఎస్.ఆర్. అందుకే ఈ సినిమాకి ‘యాత్ర’ అనే పేరే తగినదని భావించి.. ఆ పేరునే ఖరారు చేశారు.
ప్రస్తుతం ప్రీ-ప్రొడక్షన్ కార్యక్రమాలు జరుగుతున్నాయి. ఇదిలా ఉంటే.. వై.ఎస్.ఆర్.పాత్రలో మల‌యాళ సూపర్‌స్టార్‌ మమ్ముట్టి న‌టిస్తున్న విషయం తెలిసిందే. కాగా.. వై.ఎస్.ఆర్. సతీమణి విజయమ్మగా నయనతారను ఎంపిక చేసినట్టుగా ఆ మధ్య వార్తలు వచ్చాయి. తాజాగా రమ్యకృష్ణ పేరు వినిపిస్తోంది. రమ్య అయితే ఆ పాత్రకు న్యాయం చేస్తుందని భావించి.. ఆమెను ఎంపిక చేసినట్టుగా తెలుస్తోంది. అలాగే.. వై.ఎస్.జగన్‌గా తమిళ నటుడు సూర్య నటించనున్నట్లు ప్రచారం జరుగుతోంది.