ఒకప్పటి అందాల తార, తమిళనాడు దివంగత మాజీ ముఖ్యమంత్రి జయలలిత అలియాస్ ‘అమ్మ’ జీవితం ఎంతో మందికి స్ఫూర్తిదాయకమన్న సంగతి తెలిసిందే. హీరోయిన్‌గా, ముఖ్యమంత్రిగా లేడీ లయన్‌గా పేరుగాంచారు. ఒకట్రెండు కాదు ఏకంగా 14ఏళ్లకు పైగా తమిళనాడు ముఖ్యమంత్రిగా ప్రజలకు సేవచేసిన పురచ్చి తలైవి.. తన అభిమానులను శోకసంద్రంలో ముంచుతూ 2016 డిసెంబర్ 5న కన్నుమూశారు. అమ్మ మృతి కోట్లాది మంది అభిమానులు, పార్టీ కార్యకర్తలు, అనుచరులను విషాదంలోకి నెట్టింది.

ఇటు సినీ ఇండస్ట్రీలో.. ఇటు రాజకీయాల్లో ఓ వెలుగు వెలిగిన జయలలిత జీవితాన్ని సినిమా తెరకెక్కించాలని ప్రయత్నాలు మొదలయ్యాయి. కాగా.. ఓ బయోపిక్‌లో కంగనా.. మరో బయోపిక్‌లో నిత్యామీనన్ ‘అమ్మ’లా నటిస్తున్నారు. అయితే జయ జీవితచరిత్రను ‘క్వీన్’ టైటిల్‌తో వెబ్ సిరీస్‌గా అందించడానికి దర్శకుడు గౌతమ్ మీనన్ తొలి ప్రయత్నం చేస్తున్నాడు. ఇప్పటికే షూటింగ్ మొదలైంది.

ఈ సిరీస్‌లో జయలలితగా.. సీనియర్ నటి, ఒకప్పటి స్టార్ నటి రమ్యకృష్ణ నటిస్తోంది. ఇందుకు సంబంధించిన ఫస్ట్‌లుక్‌ను విడుదల చేశారు. జయలలితగా ఆమె ఒక బహిరంగ సభలో ప్రసంగిస్తున్నట్టుగా ఈ పోస్టర్‌లో కనిపిస్తోంది. ఈ పోస్టర్‌లో రమ్యకృష్ణ సేమ్‌ టూ సేమ్‌ను అమ్మను తలపిస్తోంది. కాగా వెబ్ సిరీస్‌ను త్వరలోనే అభిమానుల ముందుకు తేవడానికి దర్శకనిర్మాతలు సన్నాహాలు చేస్తున్నారు. ఇదిలా ఉంటే ఈ సిరీస్‌ను తెలుగు, తమిళం, హిందీతో పాటు మరికొన్ని భాషల్లో రిలీజ్ చేయబోతున్నారు.