నాగ్ ప్లేస్ లో శివగామి... కింగ్ బర్త్ డే సాంగ్ సూపర్..!
- IndiaGlitz, [Sunday,September 01 2019]
అందరూ ఊహించినట్లుగానే... బిగ్ బాస్ 3 42వ ఎపిసోడ్ కు నాగార్జున దూరంగా ఉన్నారు. బర్త్ డే సెలబ్రేషన్స్ కోసం స్పెయిన్ వెళ్ళిన కింగ్ నాగార్జున... తన ప్లేస్ లో క్వీన్ రమ్యకృష్ణని షో హోస్ట్ చేసేందుకు పంపించారు. ముందుగా స్పెషల్ వీడియోతో ప్రేక్షకులకు సలామ్ చేసిన నాగ్... తర్వాత షో హోస్ట్ గా శివగామి నీ పరిచయం చేశారు. నా మాటే శాసనం అంటూ అదిరిపోయే ఎంట్రీ ఇచ్చింది రమ్య. రెడ్ శారీలో వావ్ అనిపించేలా సూపర్ ఎంట్రీ తో ప్రేక్షకులను కట్టిపడేసింది. ఆ తర్వాత హౌజ్ లోని సభ్యులతో మాట్లాడేందుకు ... మన టీవీ లోకి వెళ్లగా... రమ్యను చూసిన ఇంటి సభ్యులు అవాక్కయ్యారు. అసలు నాగ్ ఎందుకు రాలేదో అర్థం కాక... అలాగే ఉందిపోగా... స్పెషల్ వీడియోతో అటు హౌజ్ మెట్స్ తో మాట్లాడారు నాగ్. పుట్టిన రోజు వేడుకల కోసం స్పెయిన్ వచ్చానని .. ఈ వీక్ హోస్ట్ గా రమ్య వ్యవహరిస్తారు అని చెప్పారు. మళ్లీ వచ్చే వారం కలుస్తానని సెలవు తీసుకున్నారు నాగ్.
ఆ తర్వాత ఛార్జ్ తీసుకున్న రమ్య కృష్ణ...ఇంటి సభ్యులచే ఓ ఫన్ టాస్క్ ఆడించింది. నచ్చింది.. నచ్చలేదు అనే టాస్క్ లో ఒక్కోసారి ఇద్దరు ఇంటి సభ్యులు ఆడాలి. ఎదుటివారిలో ఉండే పాజిటివ్, నెగటివ్ తో పాటు ఆ ఇంట్లో వాళ్లకి జరిగిన అన్యాయాన్ని వివరించాలి. బాబా మాస్టర్ తన వంతు పూర్తి కాగానే ... రమ్య కోరిక మేరకు స్పైసీ డిష్ చేశారు. అది టేస్ట్ చేసిన రమ్య... తను అంత మంచి డిష్ నా లైఫ్ లో తినలేదు అంటూ కితాబు ఇచ్చింది.
ఇక నాగ్ బర్త్ డే కు స్పెషల్ సాంగ్ కంపోజ్ చేశారు హౌజ్ మేట్స్. రాహుల్ .. బాబా మాస్టర్, వరుణ్ సందేశ్ సహకారం తో సాంగ్ రాసి కంపోజ్ చేయగా... బాబా ఇంటిసభ్యులచే స్టెప్పులు వేయించారు.