பிக் பாஸ் தமிழ் டைட்டில் வின்னருக்கு ஜோடியாக ரம்யா பாண்டியன் நடித்துள்ள நிலையில் அந்த படத்தின் டப்பிங் பணியில் அவர் ஈடுபட்டுள்ள புகைப்படம் இணையத்தில் வைரல் ஆகி வருகிறது.

பிக் பாஸ் தமிழ் சீசன் 1 டைட்டில் வின்னர் ஆரவ் என்பதும் இவர் தற்போது ’விடாமுயற்சி’ உள்பட ஒரு சில படங்களில் நடித்து வருகிறார் என்பதும் தெரிந்ததே. இந்த நிலையில் ஆரவ் நடிக்கும் படத்தில் அவருக்கு ஜோடியாக ரம்யா பாண்டியன் நடித்துள்ளார் என்பதும் இருவரும் 12 வயது குழந்தைக்கு பெற்றோர்களாக இந்த படத்தில் நடித்துள்ளதாகவும் தெரிகிறது.

90ஸ் பிக்சர்ஸ் நிறுவனத்தின் தயாரிப்பில் உருவாகிய இந்த படத்தில் பேபி கிருத்திகா முக்கிய வேடத்தில் நடித்துள்ளார். மேலும் இந்த படத்தில் காளி வெங்கட், ஜான்விஜய், அருள்தாஸ் உள்ளிட்ட பலர் நடித்துள்ளனர்.

இந்த நிலையில் ரம்யா பாண்டியன் தனது பகுதியின் படப்பிடிப்பை முடித்துவிட்ட நிலையில் தற்போது டப்பிங் பணியில் ஈடுபட்டுள்ளார். இது குறித்த புகைப்படத்தை அவர் தனது இன்ஸ்டாகிராம் பக்கத்தில் பதிவு செய்த நிலையில், அந்த பதிவு தற்போது இணையத்தில் வைரல் ஆகி வருகிறது.

’தேன்’ மற்றும் ’தகராறு’ படங்களை இயக்கிய கணேஷ் விநாயகன் இயக்கத்தில் உருவாகியுள்ள இந்த படம் சுகுமார் ஒளிப்பதிவில் லாரன்ஸ் கிஷோர் படத்தொகுப்பில் வளர்ந்துள்ளது. இந்த படம் விரைவில் ரிலீஸ் ஆக உள்ளது என்பது குறிப்பிடத்தக்கது.