திரையுலகில் வாய்ப்பு கிடைக்காத பல நடிகைகள் கிளாமர் புகைப்படங்கள் மற்றும் வீடியோக்களை இன்ஸ்டாகிராம் உள்ளிட்ட சமூக வலைதளங்களில் பதிவு செய்து, திரை உலகினர் மற்றும் ரசிகர்களின் கவனத்தை தங்கள் பக்கம் திருப்பி வைக்கும் முயற்சியில் ஈடுபட்டு வருகின்றனர். இதன் காரணமாக ஒரு சிலர் திரை உலகில் வாய்ப்புகள் பெற்று வருகின்றனர் என்பதையும் பார்த்து வருகிறோம்.

அந்த வகையில் இன்ஸ்டாகிராமில் இளைஞர்களை சுண்டி இழுக்கும் வகையில் கிளாமர் புகைப்படங்கள் மற்றும் வீடியோக்களை தொடர்ச்சியாக பதிவு செய்து வரும் நடிகைகளில் ஒருவர் ரம்யா பாண்டியன். அவரது லட்சக்கணக்கான ஃபாலோயர்களுக்காக இதனை அவர் செய்வதாக கூறப்பட்டாலும் இதன் மூலம் அவருக்கு திரைப்பட வாய்ப்புகள் கிடைக்கும் என்ற எதிர்பார்ப்பும் உள்ளது என்பது குறிப்பிடத்தக்கது.

இந்த நிலையில் ரம்யா பாண்டியனின் கிளாமர் புகைப்படங்களுக்கு தற்போது பலன் கிடைத்துள்ளது. அவர் கணேஷ் விநாயக் என்ற இயக்குனரின் அடுத்த படத்தில் நடிக்க ஒப்பந்தமாகியுள்ளதாக செய்தி வெளியாகியுள்ளது. கணேஷ் விநாயக் ஏற்கனவே நல்ல வரவேற்பை பெற்ற ’தேன்’ என்ற படத்தை இயக்கியவர் என்பது குறிப்பிடத்தக்கது.

உதயநிதி ஸ்டாலின் நடித்த ’கலகத்தலைவன்’ என்ற திரைப்படத்தில் வில்லனாக மிரட்டிய ஆரவ் இந்த படத்தில் நாயகனாக நடிக்க இருப்பதாகவும் அவருக்கு ஜோடியாக ஜோடியாக ரம்யா பாண்டியன் நடிக்க இருப்பதாகவும், பேபி கிருத்திகா இந்த படத்தின் ஒரு முக்கிய கேரக்டரில் நடிக்கவிருப்பதாகவும் கூறப்படுகிறது.

பிப்ரவரி 9ஆம் தேதி இந்த படத்தின் படப்பிடிப்பு தொடங்க இருப்பதாகவும் இந்த படத்தில் நடிக்கும் நட்சத்திரங்கள் மற்றும் தொழில்நுட்ப கலைஞர்கள் குறித்த அறிவிப்பு விரைவில் வெளியாகும் என்றும் கூறப்படுகிறது.