எதிர்பாராததை எதிர்பாருங்கள்: முதல் நாளே அசத்திய ரம்யாகிருஷ்ணன்!
- IndiaGlitz, [Saturday,November 27 2021]
பிக்பாஸ் நிகழ்ச்சியை கடந்த 54 நாட்களாக தொகுத்து வழங்கிய கமல்ஹாசன் அவர்கள் திடீரென கொரோனா வைரஸ் பாதிப்பு காரணமாக மருத்துவமனையில் சிகிச்சை பெற்று வருகிறார். இதனையடுத்து மருத்துவமனையில் இருந்து கமல்ஹாசனும் ஸ்டூடியோவில் இருந்து ரம்யா கிருஷ்ணனும் இன்றைய பிக்பாஸ் நிகழ்ச்சியைத் தொகுத்து வழங்குகின்றனர் என்பதை முதல் புரமோவில் பார்த்தோம்.
இந்த நிலையில் சற்று முன் வெளியாகி உள்ள இரண்டாவது புரமோவில் ரம்யா கிருஷ்ணன் மாஸாக என்ட்ரி ஆகி பிக்பாஸ் போட்டியாளர்கள் ஒவ்வொருவரையும் நலம் விசாரிக்கிறார். குறிப்பாக இமான் அண்ணாச்சியிடம் ஊறுகாய் கிடைத்ததா என்று அவர் கேட்பது சூப்பராக இருந்தது. நேற்றைய பலூன் டாஸ்க்கில் ஒவ்வொரு பலூனையும் உடைக்கும்போது ’ஊறுகாய் வேண்டும் ஊறுகாய் வேண்டும்’ என்று இமான் அண்ணாச்சி கூறியிருந்தார் என்பது குறிப்பிடத்தக்கது.
அதேபோல் தாமரை உள்பட பலரையும் முதல் நாளே ரம்யா கிருஷ்ணன் அசத்தி விட்டார் என்பதும் ’எதிர்பாராததை எதிர் பாருங்கள்’ என்று அவர் தனது பாணியில் ஸ்டைலாக கூறியதை பார்க்கும்போது கமல்ஹாசன் இல்லாத குறையை போக்கும் அளவுக்கு ரம்யா கிருஷ்ணன் இந்த நிகழ்ச்சியை சுவாரஸ்யமாக தொகுத்து வழங்குவார் என எதிர்பார்க்கப்படுகிறது.
#BiggBossTamil இல் இன்று.. #Day55 #Promo2 of #BiggBossTamil #பிக்பாஸ் - திங்கள் முதல் வெள்ளி இரவு 10 மணிக்கு, சனி மற்றும் ஞாயிறு இரவு 9:30 மணிக்கு நம்ம விஜய் டிவில.. #BBTamilSeason5 #BiggBossTamil5 #பிக்பாஸ் #nipponpaintindia #PreethiPowerDuo #VijayTelevision pic.twitter.com/51HvNDRlzU
— Vijay Television (@vijaytelevision) November 27, 2021