கடந்த 1999ஆம் ஆண்டு வெளிவந்த சூப்பர் ஹிட் திகில் படம் ஒன்றின் இரண்டாம் பாகத்தில் நடிகை ரம்யா கிருஷ்ணன் நடிக்கவுள்ளார்.

விக்ரம் நடித்த 'காசி' மற்றும் 'என் மன வானில்' போன்ற படங்களை இயக்கிய இயக்குனர் வினயன் கடந்த 1999ஆம் ஆண்டு இயக்கிய மலையாள திரைப்படம் 'ஆகாஷ கங்கா'. முகேஷ், திவ்யா உண்ணி நடிப்பில் வெளியான இந்த படம் தமிழில் 'அவளா ஆவியா'? என்ற பெயரில் வெளிவந்தது. இந்த நிலையில் இயக்குனர் வினயன் தற்போது இந்த படத்தின் இரண்டாம் பாகத்தை இயக்க முடிவு செய்துள்ளார்.

தமிழ், மலையாளம் என இரண்டு மொழிகளில் உருவாகவுள்ள 'ஆகாஷ கங்கா 2' திரைப்படத்தில் சித்திக், ஆசிப் அலி, ஸ்ரீநாத் பாசி, விஷ்ணு கோவிந்த், விஷ்ணு வினய், உள்பட பலர் நடிக்கவிருக்கும் நிலையில் இந்த படத்தின் முக்கிய கேரக்டரில் நடிக்க ரம்யாகிருஷ்ணன் ஒப்பந்தமாகியுள்ளார்.

அதிக கம்ப்யூட்டர் கிராபிக்ஸ் காட்சிகளுடன் உருவாகவுள்ள இந்த படத்திற்கு பிஜூபால் இசையமைக்கவுள்ளார். கடந்த 16ஆம் தேதி முதல் படப்பிடிப்பு தொடங்கியுள்ள இந்த படம் வரும் செப்டம்பர் மாதம் ஓணம் பண்டிகையின்போது வெளியிட திட்டமிடப்பட்டுள்ளது.