'காவாலா' பாட்டுக்கு செம்ம டான்ஸ் ஆடிய ரம்யா கிருஷ்ணன்.. வைரல் வீடியோ..!
- IndiaGlitz, [Sunday,July 30 2023]
சூப்பர் ஸ்டார் ரஜினிகாந்த் நடித்த ’ஜெயிலர்’ திரைப்படத்தில் இடம்பெற்ற ’காவாலா’ என்ற பாடல் சமீபத்தில் வெளியாகி மிகப்பெரிய அளவில் வைரல் ஆனது என்பது தெரிந்ததே. இந்த பாடல் வெளியாகி மூன்று வாரங்கள் மட்டுமே ஆகி உள்ள நிலையில் யூடியூபில் 84 மில்லியன் பேர் இந்த பாடலை பார்த்து உள்ளனர் என்பதும் குறிப்பிடத்தக்கது.
இந்த நிலையில் இந்த பாடலுக்கு பல திரையுலக பிரபலங்கள், சின்னத்திரை உலக பிரபலங்கள், கிரிக்கெட் வீரர்கள் வீராங்கனைகள் மற்றும் ரசிகர்கள் என ஆட்டம் போட்ட வீடியோ இணையதளங்களில் வைரலானது.
அந்த வகையில் ’ஜெயிலர்’ திரைப்படத்தில் முக்கிய கேரக்டரில் நடித்துள்ள ரம்யா கிருஷ்ணன் இந்த பாடலுக்கு டான்ஸ் ஆடிய வீடியோவை தனது இன்ஸ்டாகிராம் பக்கத்தில் வெளியிட்டுள்ள நிலையில் அந்த வீடியோ தற்போது இணையத்தில் வைரல் ஆகி வருகிறது.
ஒரு சில மணி நேரங்களில் இந்த வீடியோவுக்கு 70 ஆயிரத்துக்கும் அதிகமான லைக்ஸ் குவிந்து உள்ளது என்பது குறிப்பிடத்தக்கது. மேலும் ’வயசானாலும் உங்கள் ஸ்டைலும் அழகும் இன்னும் உங்களை விட்டு போகல’ என்று அவருடைய வசனத்தையே ரசிகர்கள் கமெண்ட் ஆக பதிவு செய்துள்ளனர். ஒரு சிலர் தமன்னாவை விட நீங்கள் அழகாக ஆடி இருக்கிறீர்கள் என்றும் கமெண்டில் பதிவு செய்து வருகின்றனர்.
சன் பிக்சர்ஸ் தயாரிப்பில், நெல்சன் இயக்கத்தில், அனிருத் இசையில் உருவாகி இருக்கும் ‘ஜெயிலர்’ திரைப்படத்தில் ரஜினிகாந்த், சிவராஜ்குமார், மோகன்லால், தமன்னா, ரம்யா கிருஷ்ணன், சுனில், ஜாக்கி ஷெராப், வசந்த் ரவி, விநாயகன், யோகிபாபு, ரெடின் கிங்ஸ்லி, உட்பட பலர் நடித்துள்ளனர். இந்த படத்திற்கு விஜய் கார்த்திக் கண்ணன் ஒளிப்பதிவும், நிர்மல் படத்தொகுப்பும் செய்துள்ளனர்.