చిరంజీవి, నాగార్జున‌తో ర‌మ్య‌కృష్ణ‌కు మంచి ఫ్రెండ్‌షిప్ ఉంటుంది. తాజాగా నాగార్జున త‌న‌యుడు నాగ‌చైత‌న్య‌తో ఆమె `శైల‌జా రెడ్డి అల్లుడు` సినిమాలో న‌టిస్తున్నారు. దీని త‌ర్వాత ఆమె చిరంజీవి త‌మ్ముడు నాగ‌బాబు త‌న‌యుడు వ‌రుణ్‌తేజ్ సినిమాలో న‌టించ‌నున్నారు. ఈ సినిమాలో ర‌మ్య‌కృష్ణ‌ది చాలా కీల‌క‌మైన పాత్ర అట‌. సాగ‌ర్ చంద్ర ద‌ర్శ‌క‌త్వం వ‌హించ‌బోయే ఈ సినిమా ప్ర‌స్తుతం ప్రీ ప్రొడ‌క్ష‌న్ ద‌శ‌లో ఉంది.

ఈ సినిమాలో మ‌రో కీల‌క పాత్ర‌లో బొమ‌న్ ఇంరానీ న‌టించ‌నున్నారు. 14 రీల్స్ ప్ల‌స్ తెర‌కెక్కించ‌నున్న ఈ చిత్రంలో నాయిక ఎవ‌రు? ఇత‌ర న‌టీన‌టులు,సాంకేతిక నిపుణులు ఎవ‌రు? వ‌ంటి వివ‌రాల‌న్నీ తెలియాల్సి ఉంది. ర‌మ్య‌కృష్ణ మాత్రం ప్ర‌స్తుతం చేతి నిండా సినిమాల‌తో బిజీ గా ఉన్నారు. బాహుబలి చిత్రంలో శివ‌గామిదేవిగా న‌టించిన త‌ర్వాత ఆమె క్రేజ్ అమాంతం పెరిగిన సంగ‌తి తెలిసిందే.