ரஜினி, அஜித்துக்கு பிறகு அழகானவர் என் மாப்ளேதான் : ராதாரவி
- IndiaGlitz, [Tuesday,September 27 2016]
பிரபல நடிகர் ராதாரவி மேடையில் பேசும்போது கலகலப்பாகவும், நகைச்சுவையாகவும் பேசுவதில் வல்லவர் என்பது அனைவருக்கும் தெரியும். இந்நிலையில் சமீபத்தில் ராம்கி நடித்த 'ஆங்கிலப்படம்' இசை வெளியீட்டு விழாவில் ராதாரவி வெள்ளை தாடியுடன் அழகாக இருப்பது குறித்து கலகலப்பாக பேசியுள்ளார்.
அவர் கூறியபோது, 'எனக்கு தெரிந்து வெள்ளை தாடி வைத்து இளமையாகவும் அழகாகவும் இருப்பது ரஜினி சார்தான். சூப்பர் ஸ்டார் என்ற இமேஜே இல்லாமல் வெள்ளை தாடியில் அவர் தோன்றுவார். ஆனாலும் பார்க்க அழகாக இருப்பார். அதேபோல் ரஜினியை அடுத்து சால்ட் அண்ட் பெப்பர் என்று கூறப்படும் வெள்ளைதாடியில் இளமையாக இருப்பவர் அஜித் தான்.
இவர்கள் இருவரை தவிர இப்போது மூன்றாவதாக வெள்ளைத்தாடியில் அழகாக என் மாப்ளே ராம்கிதான் என்று கூறியுள்ளார். ராதாரவியின் தங்கை நிரோஷாவின் கணவர் தான் ராம்கி என்பது குறிப்பிடத்தக்கது.