ராம்கியின் 'இங்கிலீஷ் படத்துக்கு ஏற்பட்ட திடீர் மாற்றம்
- IndiaGlitz, [Tuesday,September 27 2016]
'சின்னப்பூவே மெல்லப்பேசு' படத்தில் அறிமுகமாகி அதன் பின்னர் இணைந்த கைகள், வெள்ளையத்தேவன், மருதுபாண்டி, ஆத்மா உள்பட பல படங்களில் ஹீரோவாக நடித்த நடிகர் ராம்கி நீண்ட இடைவெளிக்கு பின் முக்கிய வேடத்தில் நடித்துள்ள படம் 'இங்கிலீஷ் படம்'. அறிமுக இயக்குனர் குமரேஷ் இயக்கியுள்ள இந்த படம் தற்போது 'ஆங்கிலப்படம்' என்று பெயர் மாற்றப்பட்டுள்ள்து. தமிழக அரசின் வரிவிலக்கிற்காகவே இந்த படத்தின் டைட்டில் மாற்றப்பட்டுள்ளதாக கூறப்பட்டுள்ளது.
ராம்கி, சஞ்சீவ், ஸ்ரீஜா, மீனாட்சி, சிங்கம்புலி, சிங்கமுத்து, மதுமிதா உள்பட பலர் நடித்துள்ள இந்த படத்திற்கு எம்.சி.ரிக்கோ இசையமைத்துள்ளார்.
ஹாலிவுட்டில் வெளிவரும் ஆங்கில படம்' போன்று இந்த படத்தில் வரும் அடுத்தடுத்த காட்சிகள் யாரும் யூகிக்க முடியாத அளவிற்கு கதை நகரும் என்பதால் இந்த படத்திற்கு 'ஆங்கிலப்படம்' என்று வைக்கப்பட்டுள்ளதாகவும், படம் பார்த்த தயாரிப்பாளர் உள்பட அனைவரும் மகிழ்ச்சி அடைந்ததாகவும் கூறிய இயக்குனர் குமரேஷ், இந்த படத்திற்கு யூ சான்றிதழ் கிடைத்துள்ளது பெரும் மகிழ்ச்சி அளிப்பதாகவும் கூறியுள்ளார்.